Олон нийтийг талцуулсан Ерөнхий сайдын хүүгийн хөрөнгө орлогыг шалгаж тогтоох ёстойг иргэд шаардаж буй. Тэгвэл холбогдох албаныхан хөрөнгө орлоготой холбоотой асуудлаар түүнээс мэдүүлэг авсан эсэх мэдээлэл байхгүй байна.
Авлигатай тэмцэх газраас тодруулахад, мэдүүлэг авсан, өгсөн талаар мэдээлэл ирээгүй байна. Мэдээлэл ирвэл албан мэдээ гаргана гэсэн юм.
Ерөнхий сайдын хүүгийн найз бүсгүйдээ өгсөн бэлэг болон түүний хөрөнгө, орлогыг харгалзаж олон нийтийн зүгээс орлогоо нотлох шаардлага тавьж, төв талбайд ес дэх хоногтоо шаардаж, жагсч байгаа. Харин Ерөнхий сайд энэ асуудлаар намын Бага хурал дээрээ "миний хүү сүйн бөгж өгсөн нь үнэн. Өөр, үнэтэй бэлэг өгсөн гэдэг нь худлаа. Би орлогоо нотлуулна, гэхдээ үүнд цаг их орно, улс төр яваад байна. Би нэрээ цэвэрлэнэ, та нар битгий санаа зовоорой. Надад итгэж болно" гэжээ.
Ямартай ч үүсээд байгаа улс төрийн нөхцөл байдлын дараагаар тэрбээр ямартай ч өөрийнхөө, хүүгийнхээ орлогыг нотлохыг зөвшөөрсөн гэж ойлгож болох нь.
Сэтгэгдэл бичих