Та ББСБ-аас зээл авч байсан уу?
Манай улсад 573 банк бус санхүүгийн байгууллага (ББСБ) үйл ажиллагаа явуулдаг. Тэд 2.3 сая зээлдэгчтэй байна.
Иргэдэд гар утаснаасаа, хэдхэн секундийн дотор зээл авах боломжийг олгосон тул ББСБ-ын тоо, зээлийн дүн ихээхэн нэмэгдсэн. Гэвч Монголбанк, Санхүүгийн зохицуулах хороо төгрөгийн ханшийг тогтворжуулах, хэрэглээний зээлийг хумих, бизнсийн зээлийг түлхүү олгох, зээлийн хүүг бууруулах бодлого баримталж байна.
Иймд ББСБ-ууд цаашид банкнаас эх үүсвэр татан, иргэдэд дамжуулан, өндөр хүүтэй зээл олгодгийг Санхүүгийн зохицуулах хороо хоригложээ.
Өнгөрсөн хугацаанд 77 ББСБ арилжааны банкнуудаас 622 тэрбум төгрөгийн зээл авсан байна. Энэ нь ББСБ-ын хэрэглээний зээлийн хүү өндөр байгаа гол шалтгаан гэж Санхүүгийн зохицуулах хорооны дарга Т.Жамбаажамц онцолжээ.
Цаашид СЗХ ББСБ-ууд урт хугацаатай, гадаад эх үүсвэр татахад дэмжлэг үзүүлэн ажиллах юм байна.
Сэтгэгдэл бичих