Монгол Улс 2025 оны эхний 3 сард 128 улстай худалдаа хийжээ. Экспорт 3 тэрбум ам.доллар, импорт 2.5 тэрбум ам. долларт хүрч, тэнцэл 465.1 сая ам. долларын ашигтай гарчээ гэж Үндэсний статистикийн хороо мэдээллээ.
Харин бараа эргэлтийн хэмжээ 504.1 сая ам. доллар болж, импорт 133.4 сая ам. доллароор нэмэгдсэн байна. Импорт 2024 оны мөн үеийнхээс 133.4 сая ам. доллароор нэмэгдэхэд суудлын автомашин 73.6 сая ам.доллар,дизелийн түлш 21.9 сая ам. доллар,тээврийн хэрэгслийн сэлбэг, эд анги 21.3 сая ам.доллар,ачааны автомашин 18.3 сая ам.доллар, гар утас 11.7 сая ам.доллароор нөлөөлжээ.
Имортын 74.5 хувийг эрдэс бүтээгдэхүүн, машин механик төхөөрөмж, цахилгаан хэрэгсэл, тээврийн хэрэгсэл, тэдгээрийн эд анги болон хүнсний бэлэн бүтээгдэхүүн эзэлсэн байх юм.
Экспортын зэсийн хүдэр ба баяжмал 291.8 сая ам.доллар, цайрын хүдэр, баяжмал 39.7 сая ам.доллар, жоншны хүдэр, баяжмал 29.3 сая ам.доллароор их байна.
Алтны үнэ 2024 оны мөн үеийнхээс унц тутамд 693.9 ам .доллар, зэсийн хүдэр, баяжмалын үнэ тонн тутамд 291.5 ам. доллароор нэмэгджээ.
БНХАУ-д экспортолсон барааны 48.3 хувийг нүүрс, 33.5 хувийг зэсийн хүдэр, баяжмал эзэлж байгаа бол Швейцар улсад экспортолсон барааны 99.3 хувийг боловсруулаагүй буюу хагас боловсруулсан алт эзэлжээ.
Төмрийн хүдэр, баяжмалын үнэ тонн тутамд 7.6 ам.доллар, нүүрсний үнэ тонн тутамд 47.1 ам .доллароор буурсан аж.
Энэ оны эхний 3 сарын байдлаар экспортолсон нүүрсний 49.1 хувийг Гашуун сухайт боомтоор хийсэн. Энэ нь 2024 оны мөн үеийнхээс 3.4 нэгж хувиар буурсан үзүүлэлт юм. Импортын 33.1 хувийг БНХАУ, 27.6 хувийг ОХУ, 13.8 хувийг Япон, 4.9 хувийг АНУ, 4 хувийг БНСУ, 2.9 хувийг ХБНГУ эзлэн, нийт импортын 86.3 хувийг бүрдүүлжээ.
ОХУ-аас импортолсон барааны 76.7 хувийг нефтийн бүтээгдэхүүн, Япон Улсаас импортолсон барааны 81.4 хувийг суудлын автомашин, БНХАУ-аас импортолсон барааны 10.2 хувийг ачааны автомашин эзэлсэн аж.
Суудлын автомашины импортын хилийн дундаж үнэ ширхэг тутам 9.9 мянган ам.доллар болжээ. Энэ нь 2024 оны мөн үеийнхээс 2.4 мянган ам.доллароор нэмэгдсэн байна. Экспортын 50.4 хувь Гашуунсухайт, 21.8 хувь Замын-Үүд, 8.9 хувь Шивээ хүрэн боомтоор хийгдсэн нь нийт экспортын 81.1 хувийг эзэлж байна.
Импортын 50 хувийг Замын-Үүд, 24 хувийг Сүхбаатар боомтоор хийсэн нь нийт импортын 74 хувийг эзэлж байгаа юм.
Экспорт 2025 оны 3 дугаар сард, өмнөх 2 дугаар сарынхаас 23 сая ам. доллар, импорт 98.5 сая ам. доллароор нэмэгджээ.
Үнэт чулуу, металл, гоёлын зүйлс болон ургамлын гаралтай бүтээгдэхүүн экспортын 96 хувийг эзэлсэн аж. Харин импортын 74.5 хувийг эрдэс бүтээгдэхүүн, машин механик төхөөрөмж, цахилгаан хэрэгсэл, тээврийн хэрэгсэл, тэдгээрийн эд анги болон хүнсний бэлэн бүтээгдэхүүн байна.
Сэтгэгдэл бичих