Өмнөд Солонгосын ерөнхийлөгчийн ээлжит бус сонгууль зургадугаар сарын 3-нд товлогдсон. Нэр дэвшигчид тавдугаар сарын 10-11-ний хооронд бүртгүүлнэ. Өнгөрсөн дөрвөн сарын хугацаанд улс оронд эмх замбараагүйтэл үргэлжилсэн тул эрх баригчид энэ үеэр аюулгүй байдлын арга хэмжээг чангатгах төлөвлөгөөтэй байна.
Тодруулбал, Өмнөд Солонгосын цагдаа нар ерөнхийлөгчийн сонгуульд нэр дэвшигчдийг хамгаалах аюулгүй байдлын ажилтнуудтай өнөөдрөөс /2025.04.14/ ярилцлага хийж эхэллээ.
Ярилцлага гурван өдөр үргэлжилнэ. Хамгаалалтын тусгай албанд 2022 оны ерөнхийлөгчийн сонгуулийнхтай ижил хэмжээний буюу 150 офицер шалгаруулж авах юм. Гэхдээ аюулгүй байдлын хэрэгцээ шаардлагаас хамааран энэ тоо нэмэгдэж магадгүй.
Өмнө нь нэг нэр дэвшигчид 30 хүртэл тооны цагдаа хуваарилдаг байсан. Сонгогдсон хүмүүс сонгуулийн дүн батлагдтал нэр дэвшигчдэд хоёрдугаар түвшний хамгаалалтыг өгөх болно. Хоёрдугаар түвшний хамгаалалтыг ихэвчлэн ерөнхий сайд болон парламентын даргын түвшний хүмүүст олгодог.
ЭХ СУРВАЛЖ: KOREA HERALD
Сэтгэгдэл бичих