Нийслэлийн иргэдийн Төлөөлөгчдийн хурал, Нийслэлийн Засаг даргын Тамгын газраас “Азтай савар” төрийн бус байгууллагатай хамтран амьтанд хайртай, амьтан тэжээдэг хүн бүрд зориулсан өдөрлөгийг Д.Сүхбаатарын талбайд маргааш зохион байгуулна.
Гэрийн тэжээвэр амьтны эрхийн өдөрлөгийг нийслэлд анх удаа зохион байгуулж байгаа бөгөөд энэ үеэр панелист хэлэлцүүлэг, сайн сургалттай нохой, муурны тэмцээн, хамгийн хамгийн тэжээвэр амьтдыг шалгаруулах аж. Түүнчлэн өөрсдийн хайртай амьтаддаа мэргэшсэн малын эмч, аргазүйч нараас зөвлөгөө авах, гэрийн тэжээмэл амьтны хэрэгсэл, амттан, хоолны үзэсгэлэнгээр зочлох боломжтой.
Гэрийн тэжээвэр амьтны эрхийн өдөрлөг нь амьтдыг хайрлах, тэдний эрхийг хамгаалах, тухайн улсын амьтны хамгааллын хууль, эрх зүйн орчныг сайжруулахад багагүй хувь нэмэр оруулдаг билээ. Дэлхий дахинд тэмдэглэн өнгөрүүлдэг амьтныг хайрлах нэг өдрийн үйл ажиллагаанд оролцохыг хүссэн хүн бүрд нээлттэй аж.
Өдөрлөгт оролцохдоо нохойндоо хошуувч зүүлгэх, ямар нэгэн өвчингүй, заавал вакцинд хамрагдах ёстой юм байна. Мөн амьтны эзэд нохой, муурны бохирыг авах уутаа авчрахыг анхааруулжээ. Түүнчлэн хоолны газруудад нохойтой орж болохгүйг санууллаа.
Сэтгэгдэл бичих