Алтны спот ханш 4.9 хувиар эрчимжиж, 2020 оны гуравдугаар сараас хойших нэг өдрийн хамгийн өндөр дүнгээр өслөө.
Нью-Йоркийн Таваарын биржид алтны спот ханш унц нь 3126 ам.доллар болоод байна. БНХАУ АНУ-ын тарифын эсрэг хариу арга хэмжээ авахаа мэдэгдсэнээр зах зээл дахин савлаж, аюулгүй хөрөнгө оруулалтын хэрэгслийн эрэлт нэмэгдсэн нь голлон нөлөөлжээ. Мөн АНУ-ын Холбооны Нөөцийн банк алт худалдан авалтаа нэмэгдүүлж, мөнгөний зөөлөн бодлого барих хүлээлт нэмэгдэж буй нь алтны үнийн өсөлтөд түлхэц болж байна.
Алтны ханш энэ он гарсаар 18 хувиар өсөөд байгаа юм. Харин мөнгөний үнэ бага зэрэг буурсан бол палладийн ханш өсөж, цагаан алтных тогтвортой байна.
Г.Батбуян
Сэтгэгдэл бичих