Монгол Улсын Тэргүүн Шадар сайд бөгөөд Эдийн засаг, хөгжлийн сайд Л.Гантөмөр тэргүүтэй төлөөлөгчид БНХАУ-ын Хайнан мужийн Боао хотноо зохион байгуулж буй Азийн төлөөх Боаогийн чуулга уулзалтад оролцож байна.
Сайд Л.Гантөмөр БНХАУ-ын Төрийн зөвлөлийн Шадар сайд Дин Шюэшянтай хийсэн албан ёсны уулзалтын үеэр хоёр улсын харилцаа ойлгомжтой, тодорхой байх, харилцан бие биенээ дэмжиж ажиллахыг илэрхийлж, гурван чиглэлээр хамтран ажиллах санал дэвшүүлснийг ЭЗХЯ мэдээлэв.
Тодруулбал, хил холболтыг өргөжүүлэх, экспортын тогтвортой байдлыг хангах, гурван улсын эдийн засгийн коридорын төслийг эрчимжүүлэх, эрчим хүч, бусад аж үйлдвэрийн салбарыг болон хиймэл оюун, шинжлэх ухааны паркийг хамтран хөгжүүлэхийг БНХАУ-ын Төрийн зөвлөлийн Шадар сайд бүрэн дэмжиж, хоёр улсын иргэдэд ашиг тустай байх бүх санал санаачлагад хамтын ажиллагааг идэвхжүүлэх, хөрш орны эдийн засгийн давуу талыг ашиглан ногоон хөгжлийн төлөө хамтран ажиллахаа илэрхийлжээ.
Сэтгэгдэл бичих