Түймэрт өртсөн малын сэг зэмийг устгах ажил үргэлжилж байна. Тодруулбал, Хөлөнбуйр сумын хэмжээнд түймэрт өртсөн 29 малчин өрхийн 5126 толгой малын сэг зэмийг цуглуулах, нүх ухаж булж устгах 25 хүний бүрэлдэхүүнтэй ажлын баг ажиллаж байгаа юм.
Булган сумын хэмжээнд засмал зам дагуу гал түймэрт өртсөн 27 малын сэг зэмийг цуглуулж, устгасан байна.
Аймгийн Онцгой комиссоос сэг зэм устгалын ажилд 2025 оны 3 дугаар сарын 15-наас “ТОУУ” ХХК, “Дорнын мөнгөн хийц” ХХК, “Дорнод Нийтийн аж ахуй” ОНӨААТҮГ-ын 2 экскаватор, 1 шланз машиныг ажиллуулж байна гэж мэдээллээ. Аймгийн Мал эмнэлгийн газраас нэг удаагийн халдвар хамгааллын хувцас 50 ш, халдваргүйтгэлийн бодис 20 кг, хлорын шохой 100 кг, Мал эмнэлгийн ерөнхий газраас 45 айл өрхөд малын эм бэлдмэл, хүнсний багцыг хуваарилан олгожээ.
Сэтгэгдэл бичих