Өмнөд Солонгосын ерөнхийлөгч Юн Сук Ёлыг огцруулах эсэх эцсийн шийдвэрийг Үндсэн хуулийн цэц ойрын өдрүүдэд гаргана. Үүнтэй холбогдуулан тус улсын засгийн газар Үндсэн хуулийн цэцийн дээгүүрх бүх нислэгийг түр хугацаагаар хориглолоо. Энэ нь импичментийн шийдвэр гарах өдөр аливаа гэмт хэрэг, терроризм гарахаас урьдчилан сэргийлэх зорилготой арга хэмжээ юм.
Тодруулбал, өнгөрсөн шөнөөс /2025.03.12-оос 13-нд шилжих шөнө/ эхлэн ирэх долоо хоногийн Лхагва гаригийн шөнө дунд хүртэл Үндсэн хуулийн цэцээс 1.85 километрийн радиуст ямар ч нислэг үйлдэхгүй. Эхний ээлжинд хоригийг ирэх Лхагва гариг хүртэл тогтоосон боловч гуравдугаар сарын 31 хүртэл сунгаж ч магадгүй аж.
Онцгой байдлын онгоцноос бусад бүх онгоц, нисгэгчгүй нисэх онгоц энэ хоригт хамаарна.
Сэтгэгдэл бичих