Засгийн газрын энэ оны нэгдүгээр сарын 2-ний өдрийн хуралдаанаар Хөдөлмөрийн хөлсний доод хэмжээг 2024 оны дөрөвдүгээр сарын 1-нээс 792 мянган төгрөг болж нэмэгдүүлэх шийдвэр гаргасан. Дээрх шийдвэртэй холбоотойгоор Эрүүл мэндийн даатгал/ЭМД/-ын хувь хэмжээ нэмэгдэх болжээ. Тухайлбал, хувиараа хөдөлмөр эрхэлдэг иргэн, малчин, оюутан хөдөлмөрийн хөлсний доод хэмжээгээр тооцож, сарын 15840 төгрөг төлөх болж буй аж. Энэ нь өмнөхөөс 2640 төгрөгөөр нэмэгдсэн гэсэн үг.
Өнгөрсөн хугацаанд хөдөлмөрийн хөлсний доод хэмжээ 640 мянган төгрөг байх үед хувиараа хөдөлмөр эрхлэгч нь сард 13200 төгрөгийг ЭМД-ын шимтгэлд төлж байв. Энэ оны тухайд хувиараа хөдөлмөр эрхлэгч нь 2025 оны нэг, хоёр, гуравдугаар сард ЭМД-д 39600 төгрөг төлсөн бол үлдэж байгаа саруудад нийтдээ 142560 төгрөг төлнө. Ингэснээр энэ онд нийтдээ 182160 төгрөг төлнө.
Харин тогтмол цалин орлоготой иргэдийн хувьд ЭМД-ын шимтгэлийн хувь хэмжээ 4 хувиар нэмэгдэнэ. Ажил олгогч 2 хувийг, даатгуулагч 2 хувийн нэмэгдлийг төлнө. Жишээ татвал, та сарын 2 сая төгрөгийн цалин авдаг бол ажил олгогч 40 мянга, таны цалингаас мөн 40 мянган төгрөг, нийлээд сар бүр 80 мянган төгрөг ЭМД-ын санд төвлөрнө гэж ойлгож болно.
Төр ЭМД-ыг нь хариуцдаг халамжийнхан, 0-18 насны хүүхэд, хүүхдээ гэртээ хардаг ээжүүд, хугацаат цэргийн алба хаагч, тэтгэвэрт гарсан ахмадуудын хувьд ЭМД төлөхгүй, улсын төсвөөс хариуцан, сар бүр тогтмол шимтгэлийг нь шилжүүлдэг зохицуулалттай.
Сэтгэгдэл бичих