Д.Трампын хэлсэн үгний хариуд Лесото улс мэдэгдэл хийжээ


3-р сарын 6
16 цаг 28 минут

Лесото гэж хэн ч сонсож байгаагүй улс хэмээн АНУ-ын Ерөнхийлөгч Дональд Трамп хэлсэн явдалд цочирдож, доромжлуулсан мэдрэмж авсан гэж Африк тивд орших Лесото улсын Гадаад хэргийн сайд мэдэгдээд, Америкийн төрийн тэргүүнийг улс орондоо айлчлахыг урьжээ.

 

Д.Трамп мягмар гаргийн орой Конгрессын нэгдсэн хуралдааны үеэр хэлсэн үгэндээ Лесотогийн талаар дурдаж, гадаад зардлын зарим нь “аймшигтай үрэлгэн байсныг” шүүмжилжээ. “Хэний ч сонсож байгаагүй Африкийн Лесото улсад ЛГБТ-г сурталчлахын тулд найман сая доллар зарцуулсан байна” гэж Д.Трамп хэлжээ.

 

Харин Лесотогийн Гадаад хэргийн сайд Лежоне Мпотжоане хэлэхдээ, Трампын үг “нэлээд доромжилсон агуулгатай” байна гээд, төрийн тэргүүн хүн манай улсыг ингэж тодорхойлж байгаад би үнэхээр цочирдсон гэж Ройтерс агентлагт ярьжээ. ӨАБНУ-аар хүрээлэгдэн оршдог 2 сая орчим хүн амтай, уулархаг нутагтай Лесото бол далайн түвшнээс дээш хамгийн өндөрт оршдог улс тул заримдаа “Тэнгэрийн хаант улс” гэж нэрлэх нь бий.

 

“Лесото бол дэлхий дахины хувьд маш чухал, өвөрмөц улс юм. Би ерөнхийлөгчийг болон дэлхийн бусад хүмүүсийг Лесотод ирэхийг урьж байна” гэж Л.Мпотжоане хэлжээ. Лесото дахь АНУ-ын Элчин сайдын яамнаас санхүүждэг иргэний нийгмийн зарим байгууллага ЛГБТ+ нийгэмлэгийг дэмжих чиглэлээр ажиллаж байсны сацуу АНУ тус улсын эрүүл мэнд, хөдөө аж ахуйн салбарт чухал ач холбогдолтой санхүүжилтийг олгосоор ирснийг гэдгийг тэрбээр дурдсан байна.

 

Д.Трампын засаг захиргаа зардлаа “Америк нэгдүгээрт” бодлоготой уялдуулахыг эрмэлзэж байгаа тул олон тэрбум долларын гадаад тусламжаа танаж эхэлсэн юм. Л.Мпотжоане хэлэхдээ, эрүүл мэндийн салбар хэсэг хугацаанд энэ тусламжаас хамааралтай байсан учраас Лесото улс уг шийдвэрийн нөлөөг мэдэрч байна, гэхдээ тус салбарыг биеэ даасан болгох талаар судалж байна гэлээ. “Тусламжийг танах тухай шийдвэр бол АНУ-ын Ерөнхийлөгчийн бүрэн эрхийн асуудал. Бид үүнийг хүлээн зөвшөөрөх ёстой. Гэхдээ улс орны маань талаар ингэж хэлсэн нь үнэхээрийн харамсалтай байна” гэж сайд хэлжээ.

 

АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих



Шинэ мэдээ

Нийтийн тээврийн 6 чиглэлд түр өөрчлөлт оруулна11 сар 20. 15:52Бельги дэх монголчуудыг жагсаалын бүсээс хол байхыг сэрэмжлүүлэв11 сар 20. 15:51Ерөнхийлөгчийн сонгуульд АН ялахгүй бол авлигачид улам галзуурна11 сар 20. 15:51Дайнтай улс ч төсвөө 33 хувиар нэмээгүй шүү. Сонгууль угтсан төсөв ийм аюултай11 сар 20. 15:49Монгол Улс цахим засаглалын индексээр дэлхийд 42 дугаарт эрэмбэлэгджээ11 сар 20. 15:49Хөвсгөл аймгийн Төмөрбулаг суманд 4.0 магнитудын хүчтэй газар хөдөлжээ11 сар 20. 15:48Авлига, ашиг сонирхлын зөрчлийн гомдол 20 хувиар нэмэгджээ11 сар 20. 15:48БНСУ-ын хуулийн шалгалтыг хуурсан гэх хардлагад өртсөн залуу амиа алджээ11 сар 20. 15:47Нийслэлд хулгайн гэмт хэрэг 30 хувиар буурч, гэмт хэргийн илрүүлэлт 10 хувиар нэмэгджээ11 сар 20. 14:42Гар утсаа зөвхөн "Баталгаат засварын төв"-д засуулаарай11 сар 20. 14:41Шөнийн автобус 22:00-02:00 цагийн хооронд дараах чиглэлүүдэд үйлчилж байна11 сар 19. 14:59Доройтсон газрыг нөхөн сэргээхэд Япон улстай хамтарна11 сар 19. 14:58
© 2026 он. Зохиогчийн эрх хуулиар хамгаалагдсан.