УИХ-ын Нийгмийн бодлогын байнгын хороонд харьяалагдах гишүүд, Гэр бүл, хөдөлмөр, нийгмийн хамгааллын яам, харьяа агентлагийн албан хаагчид Японд ажиллаж байна.
Тэд Шизүока мужийн Фүжи хотын Фүжи Ракүжүэн хэмээх ахмадын асаргааны газрын үйл ажиллагаатай танилцжээ. УИХ-ын гишүүн М.Нарантуяа нүүр номдоо дараах мэдээллийг хуваалцсан байна.
-Энэ асаргааны газарт одоогоор 65 ахмад асруулж байна. Зохион байгуулалтыг маш зөв хийжээ. 65 ахмад нэг дор биш, арав арваараа нэг бүлэг болон хуваагдаад амьдарна. Чөлөөт цагаа өнгөрөөх нэг том заалтай. Арван хүний дунд усанд ордог нэг газартай, зургаан том хэсэгтэй юм байна.
Энд 3~5 гэсэн ахмадын асаргааны үнэлгээтэй настнууд ирдэг. Хөдөлмөрийн насан дээрээ өндөр НДШ төлсөн ахмадууд асаргааны даатгалаас 90, өөрөө 10 хувийг төлдөг. Бага НДШ төлсөн бол 70 хувийн даатгал авч, өөрөө 30 хувийг төлдөг байна.
Монголд асаргааны ажилтан шалгаруулж, нэг хүн энд ахмадуудыг асарч, япон хэлний мэдлэг, асаргаа халамжийн дадлага туршлагатай болж, ирээдүйд Монголд ийм ахмадын асаргааны газар нээгдвэл мэдлэг туршлагатай зөвлөх мэргэжилтэн болох юм.
Энд ажилладаг хүмүүсийн сэтгэл бас маш чухал юм байна. Өөрийн эмээ өвөө шигээ л бодож уйгагүй харилцаж асрах юм гэжээ.
Сэтгэгдэл бичих