"Хууль зөрчиж УИХ-ын гишүүн болсон Э.Болормааг эргүүлэн татах ёстой"


2-р сарын 18
15 цаг 18 минут

"Хууль зөрчиж УИХ-ын гишүүн болсон Э.Болормааг эргүүлэн татах ёстой"

УИХ-ын гишүүн Э.Болормааг сонгуулийн хууль зөрчсөн аудитын тайлан болон нотлох баримтуудыг дэлгэж, УИХ-ын гишүүнээс эргүүлэн татах тухай улс төрийн намууд, иргэд мэдээлж байна.

Тэд хэлэхдээ "Төрийн үйл ажиллагааны үндсэн зарчмууд бол хууль дээдлэх зарчим болон шударга ёсны зарчим юм. Тэгэхэд эдгээр хоёр зарчим нь 34 жилийн хугацаанд, өнгөрсөн ардчилсан 34 жилд хангалттай биелээгүй байна. Үүний тод жишээ нь Э.Болормаагийн холбоотой асуудал юм. 

Сонгуулийн тухай хуулийн 58 дугаар зүйл болон гадаадын 100 хувийн хөрөнгө оруулалттай байгууллага болон гадаадын санхүүжүүлэлттэй байгууллага, төрийн удирдлагын байгууллагуудаас хандив авахыг хориглоно гэдэг зүйл заалт зөрчигдсөн.

Гэтэл Үндэсний аудитын газар энэ асуудал дээр ямар ч тодорхой шийдвэр гаргаагүй. Ийм ил тод, олон нийтийн анхааралд орсон асуудал дээр УИХ анхаарал тавихгүй байгаа нь харамсалтай.

Шоовдорын Төмөрсүх дарга эдгээр асуудалд анхаарал хандуулж, ард нийтийн санал асуулга явуулах зайлшгүй шаардлага байна гэдгийг хэлсэн. Үүний дагуу УИХ-д олон нийтийн итгэл хүлээлгэх эсэх, хууль зөрчилтэй асуудлуудад өөрчлөлт оруулах эсэх тухай асуудал яригдаж байна.

Э.Болормаагийн хууль зөрчсөн үйлдлийг илрүүлэх, түүнд хариуцлага хүлээлгэх шаардлагатай. Энэ үйлдлийг мэдсээр байж нуун дарагдуулсан Аудитын байгууллага ч хариуцлага хүлээх ёстой. Хэрэв Э.Болормаа хууль зөрчсөн бол 6-аас дээш жилийн хорих ялын гэмт хэрэг үйлдсэн гэж үзэж байна.

Бид хуультай оронд амьдарч байгаа тул хуулиа дагаж мөрдөх ёстой. Э.Болормаа нь Сонгуулийн тухай хуулиар хориглодог гадаадын оффшор бүсэд бүртгэлтэй компаниас санхүүжилт авсан үйлдлийг шалгаж, хариуцлага хүлээлгэх ёстой.

Төрийн эрхийг хууль бусаар авсан үйлдэл нь Монгол Улсын хуулиас давсан эрх ашигтай бүлэглэлийн гишүүн гэдгийг нотолж байна. Тийм үйлдэл гаргасан хүн ёс зүйтэй байвал, хууль зөрчсөнийг нь хүлээн зөвшөөрч, өөрийн сайн дураар огцорч, шалгуулъя гэдэг. Тэгэхдээ өнөөдөр энэ хүн ард түмнийг доромжилж байна. Тэр хүн өөрөө хэлэхдээ "хаанаас ямар мөнгө орж ирж байгааг би яаж мэдэх вэ" гэсэн. 

Мөнгөө ашиглахын тулд орж ирсэн мөнгө бүрийг хууль ёсны дагуу шалгаж, эх үүсвэрийг тодорхойлж байж ашиглах эрх нээгддэг. Харин хууль зөрчсөн тохиолдолд тэр мөнгийг ашиглах эрхгүй, эсвэл данс руу нь буцааж, эсвэл улсын орлого болгож хурааж авах хууль бий.

Тиймээс энэ хүн төрийн эрхийг хууль бусаар авсан, хуулиа зөрчсөн учраас бид энэ УИХ-ын гишүүн Э.Болормаа гэх хүнийг албан тушаалаас нь эргүүлэн татах ёстой гэж үзэж байна" гэлээ.

АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих



Шинэ мэдээ

Нийтийн тээврийн 6 чиглэлд түр өөрчлөлт оруулна11 сар 20. 15:52Бельги дэх монголчуудыг жагсаалын бүсээс хол байхыг сэрэмжлүүлэв11 сар 20. 15:51Ерөнхийлөгчийн сонгуульд АН ялахгүй бол авлигачид улам галзуурна11 сар 20. 15:51Дайнтай улс ч төсвөө 33 хувиар нэмээгүй шүү. Сонгууль угтсан төсөв ийм аюултай11 сар 20. 15:49Монгол Улс цахим засаглалын индексээр дэлхийд 42 дугаарт эрэмбэлэгджээ11 сар 20. 15:49Хөвсгөл аймгийн Төмөрбулаг суманд 4.0 магнитудын хүчтэй газар хөдөлжээ11 сар 20. 15:48Авлига, ашиг сонирхлын зөрчлийн гомдол 20 хувиар нэмэгджээ11 сар 20. 15:48БНСУ-ын хуулийн шалгалтыг хуурсан гэх хардлагад өртсөн залуу амиа алджээ11 сар 20. 15:47Нийслэлд хулгайн гэмт хэрэг 30 хувиар буурч, гэмт хэргийн илрүүлэлт 10 хувиар нэмэгджээ11 сар 20. 14:42Гар утсаа зөвхөн "Баталгаат засварын төв"-д засуулаарай11 сар 20. 14:41Шөнийн автобус 22:00-02:00 цагийн хооронд дараах чиглэлүүдэд үйлчилж байна11 сар 19. 14:59Доройтсон газрыг нөхөн сэргээхэд Япон улстай хамтарна11 сар 19. 14:58
© 2026 он. Зохиогчийн эрх хуулиар хамгаалагдсан.