Европт хүлэмжийн хийн ялгарал 8 хувиар буурчээ


11-р сарын 1
21 цаг 11 минут

 Европын Холбооны /ЕХ/ гишүүн орнууд дахь хүлэмжийн хийн ялгарал 2023 онд 8 хувиар буурсан нь сүүлийн хэдэн арван жилийн хугацаан дахь хамгийн ихээр багассан үзүүлэлт болсныг пүрэв гарагт танилцуулсан шинэ тайлан мэдээлэл харуулжээ. Гэхдээ тус холбоо уур амьсгалын амбицтай зорилтдоо хүрэхийн тулд цаг хугацаатай уралдан ажилласаар байна.

 

Европын Байгаль орчны асуудал эрхэлсэн агентлаг /EEA/ хүлэмжийн хийн ялгарал буурсныг гишүүн 27 улсад сэргээгдэх эрчим хүчний хэрэглээ нэмэгдсэнтэй холбон тайлбарлажээ. ЕХ нь уг хийн ялгарлын хэмжээгээр Энэтхэг, Хятад, АНУ-ын дараа дэлхийд дөрөвдүгээрт ордог.

 

“Хүлэмжийн хийн ялгарал буурсан нь нүүрсний хэрэглээ мэдэгдэхүйц буурч, сэргээгдэх эрчим хүчний эх үүсвэрийн хэмжээ өссөнөөс гадна Европ даяар эрчим хүчний хэрэглээ буурсантай холбоотой” гэж EEA-ийн мэдэгдэлд дурджээ. Европын Комисс үүнийг тайлбарлахдаа "Covid-19 цар тахлын нөлөөгөөр хүлэмжийн хийн ялгарал 9.8 хувиар буурсан 2020 оныг эс тооцвол сүүлийн хэдэн арван жилд бүртгэгдээгүй хамгийн их бууралт" гэж тодорхойлсон байна.

 

Нүүрсхүчлийн хийн ялгарал, шингээлтийн зөрүүг тэглэх ЕХ-ны зорилтыг хэрэгжүүлэх үйл явцыг удирдан чиглүүлж буй тус комисс “2030 он гэхэд хүлэмжийн хийн ялгарлыг дор хаяж 55 хувиар бууруулах амлалтад хүрэх боломж харагдаж байна” гэж мэдэгджээ. 2023 онд сэргээгдэх эрчим хүч нь ЕХ-ны цахилгаан эрчим хүчний үйлдвэрлэлийн 44.7 хувийг (2022 онд 41.2 хувь байсан) бүрдүүлснээр тэргүүлэгч эх үүсвэр болсон бол олборлодог түлш 32.5 хувь, цөмийн эрчим хүч 22.8 хувиар удаалсан байна.  

АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих



Шинэ мэдээ

Хуситууд Йемений түр нийслэл Аден хот руу давшиж эхэлжээ11 сар 16. 16:28Илон Маск тэргүүтэй 165 мянган хүн Хуангийг албан тушаалд нь буцаан томилохыг шаардав11 сар 16. 16:26Туркийн “Silk and Cashmere” компани Монгол ноолуур худалдан авах сонирхол илэрхийлжээ11 сар 16. 16:26Нүүрс зөөж, гал түлэхгүй амьдрахын тулд эхлээд байшингаа дулаан алдагдалгүй болгох хэрэгтэй11 сар 16. 16:25Улаанбаатар хотын агаарын бохирдлыг 3D орчинд мэдээлж эхэллээ11 сар 16. 16:24Цахилгааны тарифын хөнгөлөлтөд 289 мянга гаруй өрх хамрагдана11 сар 16. 16:23АИ 92 шатахуунаас татгалзаж, Евро 5-ын үнийг бууруулах боломжийг судалж байна11 сар 16. 16:20Ослын улмаас хоёр хөлөө тайруулсан Австралийн парламентын гишүүн эмнэлгээс гарчээ11 сар 16. 16:19ӨМНӨГОВЬ АЙМГИЙН ИРГЭДЭД ЗЭЭЛИЙН БАТЛАН ДААЛТЫН БОЛОМЖИЙГ ТАНИЛЦУУЛЛАА11 сар 16. 16:13ЭМЭГТЭЙ БИЗНЕС ЭРХЛЭГЧДЭД ЗЭЭЛИЙН БАТЛАН ДААЛТЫН ДЭМЖЛЭГИЙГ ТАНИЛЦУУЛЛАА11 сар 16. 16:11Дизель түлшний импорт 14 хувиар өсөж, суудлын автомашины импорт 10 хувиар буурчээ11 сар 13. 16:51Microsoft-ийн Outlook, Teams, Copilot программуудын ажиллагаа дэлхий даяар доголджээ11 сар 13. 16:50
© 2026 он. Зохиогчийн эрх хуулиар хамгаалагдсан.