БНАСАУ-ын Гадаад хэргийн сайд Чой Сон Хи мягмар гарагт Владивостокт хүрэлцэн ирсэн тухай дипломат эх сурвалж ТАСС агентлагт мэдээлжээ. Эх сурвалжийн хэлснээр, тэрбээр маргааш Москвад айлчилна.
БНАСАУ-ын ГХЯ-ны тэргүүн ОХУ-ыг зорьсон тухай өмнө нь Пёньянд суугаа ОХУ-ын Элчин сайдын яам мэдээлсэн юм. “Энэхүү айлчлалыг хоёр улсын удирдагчдын энэ оны зургаадугаар сард Пёньянд болсон дээд хэмжээний уулзалтын үеэр байгуулсан стратегийн яриа хэлэлцээг эрчимжүүлэх тохиролцооны хүрээнд хийж байна” гэж тус яам мэдэгдсэн байна. Энэ үеэр ОХУ, БНАСАУ-ын хооронд иж бүрэн стратегийн түншлэлийн хэлэлцээр байгуулж, түүний хүрээнд талууд хоёр талын болон олон улсын харилцааны бодлогын талаар дипломат дээд түвшинд тогтмол гүнзгийрүүлсэн зөвлөлдөх уулзалт зохион байгуулахаар тохиролцсоныг мэдэгдэлд дурджээ.
Сэтгэгдэл бичих