Монголын хөнгөн атлетикийн үндэсний шигшээ багийн тамирчид Хятадын Чэндү болон Шанхай хотод болсон гүйлтэд амжилттай уралдлаа.
Тодруулбал, өчигдөр Хятадын Чэндүд болсон хагас марафон гүйлтийн Зүүн Азийн аварга шалгаруулах тэмцээнээс олон улсын хэмжээний мастер Д.Гантулга 1:05.07 цагийн амжилтаар мөнгөн медалийн эзэн болжээ. Уг тэмцээнд Зүүн Азийн бүсэд харьяалалтай долоон орны 80 тамирчин өрсөлдсөн байна. Манай улсаас эрэгтэй, эмэгтэй тус бүр гурван тамирчин эх орноо төлөөлөв.
Тэгвэл Шанхайд зохион байгуулсан олон улсын марафоны 10 километрийн зайд 33.31 цагийн амжилтаар дөрөвдүгээр байрт шалгарчээ. Б.Мөнхзаяа “Этиоп, Марокко зэрэг марафон гүйлтээр тэргүүлэгч 10 гаруй орны шилдэг 100 гаруй тамирчинтай өрсөлдөж, тусгай байрт шалгарлаа. Шулуун замын 10 километрийн зайд Монгол Улсын эмэгтэй тамирчдаас анхлан оролцсон учраас рекорд амжилт тогтоосон. Монгол Улсаас ганцаараа оролцсон” гэв. Нэг сарын өмнө Хөх хотын марафонд түрүүлсэн тэрбээр ирэх арванхоёрдугаар сард Шанхайн марафонд оролцохоор бэлтгэж байгаа нь энэ юм. 
Сэтгэгдэл бичих