БРИКС-ийн удирдагчид хамтарсан тунхаглал гаргажээ


10-р сарын 24
17 цаг 19 минут

ОХУ-ын Казань хотноо лхагва гарагт болсон БРИКС-ийн дээд хэмжээний уулзалтын дараа тус бүлгийн орнуудын удирдагчид НҮБ-ын шинэчлэлээс эхлээд дэлхий дахинд болж буй мөргөлдөөн зэрэг өргөн хүрээний асуудлуудыг хамарсан хамтарсан тунхаглалыг гаргалаа.

 

Тунхаглалд нийт 134 заалт багтсаны нэг нь НҮБ-ын шинэчлэлийн тухай байв. “Бид НҮБ-ыг, тэр дундаа Аюулгүйн Зөвлөлийг илүү ардчилсан, олон талын төлөөллийг оролцуулсан, үр дүнтэй, хүчтэй болгох үүднээс цогцоор нь шинэчлэхийг дэмжиж байгаагаа дахин нотолж байна” гэж уг баримт бичигт дурджээ. Түүнчлэн дэлхий дахинд тулгамдаж буй сорилт бэрхшээлүүдийг даван туулахад илүү сайн хариу арга хэмжээ авахын тулд хөгжиж буй орнуудын төлөөллийг өргөжүүлэх хэрэгтэйг мөн онцолсон байна.

 

Үүний зэрэгцээ удирдагчид терроризмын бүх хэлбэрийг эрс зэмлэн буруушааж байгаагаа дахин илэрхийлж, НҮБ-ын хүрээнд Олон улсын терроризмын тухай конвенцийг яаралтай батлахыг уриалжээ. БРИКС-ийн гишүүд мөн НҮБ-д хандан шинэчлэл хийхийг уриалсны зэрэгцээ хиймэл оюун ухааны салбарыг удирдан зохицуулахад голлох үүрэг гүйцэтгэхийг уриалсан байна.

 

Хамтарсан тунхаглалд мөн Ойрх Дорнод, Украин зэрэг дэлхий дахинд үүсээд буй мөргөлдөөнүүдэд анхаарал хандуулжээ. “Дэлхийн янз бүрийн хэсэгт хүчирхийлэл нэмэгдэж, зэвсэгт мөргөлдөөн үргэлжилж байгаад бид санаа зовниж байна” гэж мэдэгдэлд дурджээ. БРИКС-ийн удирдагчид маргааныг дипломат аргаар тайван замаар шийдвэрлэх үүрэг амлалтаа дахин нотлов.

 

Түүнчлэн Газын зурваст үргэлжилж буй хурцадмал байдалд гүнээ санаа зовниж байгаагаа илэрхийлж, нэн даруй гал зогсоож, дайсагналаа зогсоохыг талуудад уриалжээ. 1967 оны зургаадугаар сард олон улсад хүлээн зөвшөөрөгдсөн хилийн хүрээнд тусгаар тогтносон Палестин улс байгуулахын чухлыг удирдагчид онцлон тэмдэглэж, Палестиныг НҮБ-д бүрэн эрхт гишүүнээр элсүүлэхийг дэмжиж байгаагаа илэрхийлсэн байна.

 

Гишүүн орнууд мөн Украины хямралын талаар баримталж буй байр сууриудаа дурдаж, мөргөлдөөнийг дипломат аргаар, тайван замаар зохицуулахад чиглэсэн “холбогдох саналуудыг сайшааж байгаагаа тэмдэглэжээ”.

 

БРИКС-ийн удирдагчид дангаар авсан хууль бус хориг арга хэмжээ нь дэлхийн эдийн засагт сөрөг үр дагавар учруулж байгаад сэтгэл түгшиж байгаагаа илэрхийлж, эдийн засгийн өсөлт, эрчим хүч, хүнсний аюулгүй байдалд сөргөөр нөлөөлж, ядуурлыг улам нэмэгдүүлж байгааг онцолсон байна.

 

БРИКС-ийн гишүүд мөн сансарт зэвсгээр хөөцөлдөхөөс сэргийлэх шаардлагатайг онцлоод, сансрын аюулгүй байдлыг хангах баримт бичгийг бий болгохыг уриалжээ.

 

Бусад заалтад дэлхийн эдийн засаг дахь хөгжиж буй орнуудын гүйцэтгэх үүргийг бэхжүүлэх, бүх талд тэгш байдлыг хангахад чиглэсэн эдийн засгийн янз бүрийн санаачилгууд багтсан байна.

 

Талууд БРИКС-ийн хөрөнгө оруулалтын шинэ платформ байгуулах саналыг сайшаасан бөгөөд үүнд БРИКС-ийн орнууд болон дэлхийн өмнөд бүсийн орнуудад хөрөнгө оруулалтын урсгалыг нэмэгдүүлэхийн тулд Шинэ хөгжлийн банкны одоогийн институцийн дэд бүтцийг ашиглах ажээ.

 

Мөн “дэлхийн санхүүгийн салбарт тулгарч буй сорилтуудыг даван туулах”, илүү хүртээмжтэй, шударга болгохын тулд одоогийн олон улсын санхүүгийн бүтцийг шинэчлэхийг уриалсан байна.

 

Гишүүн орнууд мөн БРИКС-ийн үр тарианы бирж байгуулах тухай Оросын саналыг дэмжиж, худалдааны платформыг хөдөө аж ахуйн бусад салбарыг хамруулан өргөтгөх боломжтойг дурджээ.

 

АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих



Шинэ мэдээ

Шөнийн автобус 22:00-02:00 цагийн хооронд дараах чиглэлүүдэд үйлчилж байна11 сар 19. 14:59Доройтсон газрыг нөхөн сэргээхэд Япон улстай хамтарна11 сар 19. 14:58"Улс төрчдийн захиалгаар хэрэгжүүлсэн 15.8 их наядын хөтөлбөрийн гор өнөөдөр гарч байна"11 сар 19. 14:58Х.Тэмүүжин: Ерөнхийлөгчийн институцыг “Тэхийн зогсоол” болгох хэрэгтэй11 сар 19. 14:57Цагдаагийн ерөнхий газар/ЦЕГ/-ын дарга Ж.Болдыг анх Ерөнхийлөгч У.Хүрэлсүх Ерөнхий сайдаар ажиллаж байхдаа Засгийн газрын 2020 оны долдугаар сарын 22-нд ЦЕГ-ын даргаар томилж байв. Сүүлд 2025 оны аравдугаар сарын 28-нд Г.Занданшатарын Засгийн газар ээлжит бусаар хуралдаж, Ж.Болдыг дахин ЦЕГ-ын даргаар томилсон юм. Ж.Болд өмнө нь 2020-2023 онд ЦЕГ-ын даргаар томилогдон ажиллаж байгаад өөрийн хүсэлтээр чөлөөлөгдсөн байдаг. Тэрбээр 2025 оны зургадугаар сараас Ерөнхий сайд Г.Занданшатарын зөвлөхөөр ажиллаж байсан. Ж.Болд нь эрх зүйч мэргэжилтэй бөгөөд 1996-2001 он хүртэл Хэнтий аймгийн Цагдаагийн газарт мөрдөн байцаагчаар ажиллаж байсан. Мөн 2002-2014 онд Мөрдөн байцаах газарт ахлах мөрдөн байцаагч, Чиглэлийн ахлах мөрдөн байцаагч, Зохион байгуулалттай гэмт хэрэг мөрдөх хэлтэст мөрдөн байцаах тасгийн дарга, 2014 оноос 2015 оны арваннэгдүгээр сар хүртэл Зохион байгуулалттай гэмт хэрэгтэй тэмцэх газарт тасгийн дарга, Хар тамхи, мансууруулах бодистой холбоотой хэрэгтэй тэмцэх хэлтэст Мөрдөн байцаах тасгийн даргаар ажиллаж байжээ. Мөн 2015-2017 онд Эрүүгийн цагдаагийн газрын Хар тамхитай тэмцэх хэлтсийн хоёрдугаар тасагт Мөрдөн байцаах тасгийн дарга, 2017 оны гуравдугаар сараас Эрүүгийн Цагдаагийн албаны Зохион байгуулалттай гэмт хэрэгтэй тэмцэх хэлтсийн хоёрдугаар тасагт мөрдөх тасгийн дарга, 2017-2020 онд Хэнтий аймаг дахь Цагдаагийн газрын дарга, 2020-2023 онд ЦЕГ-ын даргаар томилогдон ажиллаж байжээ.11 сар 19. 14:57Хуулийн байгууллагын удирдлагыг хэн томилсон бэ?11 сар 19. 14:55Монголын алхагчид 8 улсын олон улсын фестивальд амжилттай оролцлоо11 сар 19. 14:54"Цагдаагийн байгууллага хүний нэр хүндэд халдаж байна"11 сар 19. 14:52Сүүлийн 5 жилд хурдан морины уралдаанаар 22 хүүхэд амь насаа алдсан11 сар 19. 14:49Оюутолгойгоос иргэн бүрд 857 мянган төгрөг олгох асуудлаар ажлын хэсэг байгуулав11 сар 18. 14:28МАН-ын ЕНБ-ийн дарга Я.Содбаатар АТГ-т шалгуулна11 сар 18. 14:26Хууль бус мөрийтэй тоглоом зохион байгуулсан 10 этгээдийг баривчилжээ11 сар 18. 14:26
© 2026 он. Зохиогчийн эрх хуулиар хамгаалагдсан.