Нэгдсэн Үндэстний Байгууллаг (НҮБ)-ын Монгол дахь суурин төлөөлөгчийн газарт “Тогтвортой хөгжлийн төлөөх хамтын ажиллагаа” сэдэвт хэлэлцүүлэг өнөөдөр боллоо. Хэлэлцүүлэгт чиглүүлэгч нь Монголын Худалдаа, Аж үйлдвэрийн танхимын Ерөнхий нарийн бичгийн дарга С. Баясгалан байсан юм. Харин:
- Хэльмут Рудольф Кулитц, /Холбооны Бүгд Найрамдах Герман Улсаас Монгол Улсад суугаа Онц бөгөөд бүрэн эрхт Элчин сайд/
- Г.Лхамсүрэн, /“Ай Си Ти Групп” ХК-ийн Үүсгэн байгуулагч, захирал/
- Х.Амаржаргал, /Рио Тинто Монголын Гүйцэтгэх захирал/
- Лин Цао, НҮБ-ын /Хөгжлийн хөтөлбөрийн Орлогч суурин төлөөлөгч/
- Н. Сэргэлэн, /Худалдаа Хөгжлийн Банкны Гүйцэтгэх захирлын орлогч/ зэрэг хүмүүс илтгэл хэлэлцүүллээ.
Рио Тинто Монголын Гүйцэтгэх захирал Х.Амаржаргалын илтгэл тус компани нийгмийн хариуцлагынхаа хүрээнд төсөл хөтөлбөрүүдийг олон улсын стандартад нийцүүлэн хэрэгжүүлж байгаа талаар байв. Тухайлбал Бизнесийн мэдээллийн төвийг санаачлан ажиллуулж эхэлсэн байна. Мөн хүүхдийн паркийг олон улсын стандартад нийцүүлэн ногоон хэлбэрээр тохижуулсан аж. Иймд тухайн бүсэд иргэд амралт чөлөөт цагаа өнгөрүүлэх тав тухтай газар болжээ.
Ер нь тогтвортой хөгжлийн амин сүнс нь олон улсын стандартад нийцүүлж үйл ажиллагаагаа явуулах нь гаднын хөрөнгө оруулалтыг татах нэг үндэс болж өгдөг онцлогтой гэнэ.
Сэтгэгдэл бичих