Бархасбадь гаригийн дагуул дээр амьдрал орших эсэхийг судална


10-р сарын 15
17 цаг 14 минут

Europa Clipper" сансрын хөлөг Бархасбадь гаригийн дагуул сарны мөсөн гадаргуу дор гүн далай нуугдаж буй эсэхийг судлахаар Даваа гаригт /2024.10.14/ хөөрлөө. Мөн амьдрал оршин тогтнох боломжтойг мэдэхийн тулд судлаачдын баг зургаан жил буюу 3 тэрбум километр нислэг үйлдэх уг хөлгийг Флорида мужийн зүүн эргээс "SpaceX" компанийн "Falcon Heavy" пуужинг ашиглан хөөргөжээ.

Европа нь Бархасбадь гаригийн 95 дагуулын нэг бөгөөд үүнд 120 километр гүнзгий далай нимгэн мөсөөр хучигдаж байж магадгүй гэж судлаачид таамаглаж байна.

2013 онд Хаббл сансрын дуран 95 дагуулаас хамгийн том нь болох Европын гадаргуугаас гейзерүүд дэлбэрч байгааг олж илрүүлсэн юм. Тиймээс энэ удаад далай мөн эсэхийг тодруулж, амьдрал байх боломжтой үгүйг мэдэхийг хүсч байна.

Хөтөлбөрийн эрдэмтэн Курт Нибур Ассошиэйтед Пресс агентлагт хэлэхдээ "Энэ бол бидний хувьд хэдэн тэрбум жилийн өмнө амьдрах боломжтой байсан ертөнцийг биш, харин өнөөдөр амьдрах боломжтой ертөнцийг судлах боломж юм" гэж хэлсэн байна. "Europa Clipper" нь асар том нарны хавтангаар тоноглогдсон бөгөөд "NASA"-гийн өөр гаригийг судлах зорилгоор бүтээсэн хамгийн том хөлөг онгоц юм.

Энэ нь сагсан бөмбөгийн талбайтай ойролцоо хэмжээтэй бөгөөд 5.2 тэрбум ам.долларын төсөвтэй.

"NASA"-гийн хувьд анх удаа Бархасбадь гаригийн дагуулыг судлах зорилгоор пуужин хөөргөсөн юм. Сансрын хөлөг нь Европа дагуулыг хамгийн ойроос буюу 25 километрийн зайнаас судлах аж. "Europa Clipper" нь Европа дагуулыг 49 удаа эргэлдэж судалсны дараа 2034 онд даалгавраа дуусгах бөгөөд өөр нэг дагуул болох Ганимедийг мөргөж, сүйрэхээр тооцоологджээ.

ЭХ СУРВАЛЖ: ALJAZEERA

АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих



Шинэ мэдээ

Хуситууд Йемений түр нийслэл Аден хот руу давшиж эхэлжээ4 цаг 46 минутын өмнөИлон Маск тэргүүтэй 165 мянган хүн Хуангийг албан тушаалд нь буцаан томилохыг шаардав4 цаг 48 минутын өмнөТуркийн “Silk and Cashmere” компани Монгол ноолуур худалдан авах сонирхол илэрхийлжээ4 цаг 49 минутын өмнөНүүрс зөөж, гал түлэхгүй амьдрахын тулд эхлээд байшингаа дулаан алдагдалгүй болгох хэрэгтэй4 цаг 49 минутын өмнөУлаанбаатар хотын агаарын бохирдлыг 3D орчинд мэдээлж эхэллээ4 цаг 51 минутын өмнөЦахилгааны тарифын хөнгөлөлтөд 289 мянга гаруй өрх хамрагдана4 цаг 51 минутын өмнөАИ 92 шатахуунаас татгалзаж, Евро 5-ын үнийг бууруулах боломжийг судалж байна4 цаг 55 минутын өмнөОслын улмаас хоёр хөлөө тайруулсан Австралийн парламентын гишүүн эмнэлгээс гарчээ4 цаг 55 минутын өмнөӨМНӨГОВЬ АЙМГИЙН ИРГЭДЭД ЗЭЭЛИЙН БАТЛАН ДААЛТЫН БОЛОМЖИЙГ ТАНИЛЦУУЛЛАА5 цаг 2 минутын өмнөЭМЭГТЭЙ БИЗНЕС ЭРХЛЭГЧДЭД ЗЭЭЛИЙН БАТЛАН ДААЛТЫН ДЭМЖЛЭГИЙГ ТАНИЛЦУУЛЛАА5 цаг 3 минутын өмнөДизель түлшний импорт 14 хувиар өсөж, суудлын автомашины импорт 10 хувиар буурчээ11 сар 13. 16:51Microsoft-ийн Outlook, Teams, Copilot программуудын ажиллагаа дэлхий даяар доголджээ11 сар 13. 16:50
© 2026 он. Зохиогчийн эрх хуулиар хамгаалагдсан.