Төв аймгийн Зуунмод суманд ЕБС-ийн 4-7 дугаар ангийн сурагчдын дунд Шүд угаалтын аварга шалгаруулах тэмцээнийг хоёр дахь жилдээ зохион байгуулж байна. Тэмцээнд аймгийн 25 сумын, 29 багийн 232 хүүхэд багачууд өрсөлдөж байна.
2019 оноос Тайванийн туршлагыг Монгол Улсад хэрэгжүүлж эхэлсэн бөгөөд хүүхдүүдийн амны хөндийн эрүүл мэндийн боловсролыг дээшлүүлэх, шүд угаах зөв аргачлалыг эзэмшүүлснээр хүүхдүүдийн дунд шүд цоорох өвчний тархалтыг багасгах зорилготой юм.
Төв аймгийн Эрүүл мэндийн газрын Нийгмийн эрүүл мэндийн хэлтсийн дарга Т.Нямсүрэн, 2023 онд Зуунмод суманд анх зохион байгуулж байсан уг тэмцээн энэ жил Төв аймгийн 25 сумыг хамруулсан нь онцлог байна. Тэмцээн хүүхдийг багаас нь амны хөндийн эрүүл мэндэд анхаарал тавьж, бие даан төлөвшихөд тусалж байна гэж харж байна.
Хүмүүн цогцолбор сургуулийн 7 дугаар ангийн сурагч Ц.Номин-Эрдэнэ, Энэ тэмцээнд 2 дахь жилдээ оролцож байна. Энэ жил зохион байгуулалт сайжирч, өрсөлдөгч хүүхдүүд их болсон. Шүдээ зөв угааж сурснаар шүд хорхойтохоос сэргийлж байна.
Түүнчлэн тус тэмцээнийг жил бүр уламжлал болгон зохион байгуулж, цар хүрээг нь өргөжүүлэх төлөвлөгөөтэй байгаа талаар зохион байгуулагчид онцлов.
Сэтгэгдэл бичих