Нийслэлийн Баянзүрх дүүргийн 43 дугаар хорооны нутаг дэвсгэрт байрлах “Натур” худалдааны төвийн дунд зам дээр үйлдэгдсэн зөрчлийг цагдаагийн байгууллагаас шалгаж шийдвэрлэсэн. Зөрчил гаргагчийг буюу тээврийн хэрэгслийн жолоочийг Монгол Улсын Зөрчлийн тухай хуулийн тусгай ангийн 5.3 дугаар зүйлийн 1 дэх хэсэгт зааснаар 100 нэгжээр торгох шийтгэл оногдуулсан байна.
Олон нийтийн сүлжээнд өчигдөр “Lexus-600” маркийн автомашины жолооч эмэгтэй зам дагуу зогсч, хүний биед халдаж буй бичлэг цацагдсан. Цагдаагийн байгууллагаас бичлэг дээрх хүнийг олж, тогтоон уг асуудлыг гомдол, мэдээллийн бүртгэлд авч, Баянзүрх дүүргийн цагдаагийн газраас шалгалтын ажиллагааг явуулж байгаа талаар мэдээлсэн юм.
Тухайн машины жолоочийн нэг нүд нь өвдсөн байсан учраас явган зорчигчийг хараагүй гэдэг мэдээллийг өгч байв. Хохирогч 21 настай байжээ.
Сэтгэгдэл бичих