Б.Оюун-Эрдэнэ БНХАУ-ын тамирчин Ву Чун Янтай учраа таарч, 0:6-гаар дийлдлээ.
Харин Д.Сэлэнгээ Словенийн тамирчин Зива Лавриничтай Улаанбаатарын цагаар 23:34 цагт харвах юм.
17:30 2024/09/03
Б.Оюун-Эрдэнэ эхний даваанд Италийн Вероника Флоренотой учраа таарч, 6:0-ээр буюу 22:19, 21:15, 27:21-ээр яллаа. Ингэснээр манай тамирчин шөвгийн 16-д шалгарлаа. Түүний дараагийн өрсөлдөгч нь БНХАУ-ын Ву Чун Ян юм.
16:53 2024/09/03
Францын Парис хотод болж буй паралимпын зургаа дахь өдөр манай баг тамирчдаас байт харвааны хоёр тамирчин цэц сорьж байна.
Тодруулбал эмэгтэйчүүдийн ганцаарчилсан төрөлд Д.Сэлэнгээ, Б.Оюун-Эрдэнэ нар өрсөлдөж буй юм. Паралимпын эхний өдөр чансаа тогтоох харваанд Д.Сэлэнгээ 622 оноогоор хувийн дээд амжилтаа тогтоосноор гуравдугаарт, Б.Оюун-Эрдэнэ 524 оноогоор 18 дугаарт жагссан билээ.
Б.Оюун-Эрдэнэ эхний шатанд Италийн Вероника Флоренотой учраа таарсан бол Д.Сэлэнгээ эхний даваанд хийлсэн юм.
Улмаар манай харваач шөвгийн наймд Украины Анна Шевченкотой оноолт таарсан. Украин бүсгүй эхний шатанд Колумбын Мария Гузманыг 6:2-оор ялжээ.
Манай тамирчин эхний хоёр сэтэд 21:17, 24:23-аар ялсан бол гурав дахь сэтэд 23:27-гоор дийлдсэн ч дөрөв дэх үед 25:21-ээр илүүрхсэнээр шөвгийн наймд шалгарлаа. Түүний дараагийн өрсөлдөгч нь Словенийн тамирчин Зива Лавринич байх юм.
Сэтгэгдэл бичих