Хэргийн талаар ЦЕГ-ын Хэвлэл мэдээллийн төвөөс дараах мэдээллийг нэмж өглөө.
Тэрбээр "Сүхбаатар дүүргийн 8 дугаар хорооны нутаг дэвсгэр "Туушин" зочид буудлын гадна галт зэвсэг мэт хайрцагтай зүйл авч авсан гадаад улсын иргэн байна гэх дуудлага мэдээлэл цагдаагийн байгууллагад ирсэн.
Дуудлага мэдээллийн дагуу шалгахад гадаад улсын хоёр иргэн 2024 оны наймдугаар сард Монгол Улсад ан агнах зорилгоор ирж, хөдөө орон нутгаар яваад өнөөдөр байрлаж буй буудалдаа эргэн ирэх үед дуудлага мэдээлэл ирсэн даруйд шалгасан.
Авч явж байсан гэх галт зэвсгийг шалгахад ангийн буу байсан бөгөөд тус үйлдлийг үргэлжлүүлэн шалгана" гэжээ.
18:07 2024/09/03
"Туушин" зочид буудлын орчимд холын тусгалтай, дурантай буутай гадаадын иргэн явж байгаад баригдсан гэх мэдээ гарлаа.
Мөн тухайн гадаад иргэнийг Сүхбаатар дүүргийн Цагдаагийн I хэлтэст шалгаж байгаа гэсэн байна. Энэхүү мэдээллийг Цагдаагийн Ерөнхий Газраас тодруулахад "Ийм мэдээлэл бүртгэгдсэн" гэв.
Сэтгэгдэл бичих