Израиль даяар 500 мянган хүн Хамаст барьцаалагдсан иргэдийг суллахыг шаардан жагсч байна. Тодруулбал, Хамасын барьцаанд байсан зургаан Израилийн иргэн амиа алдсан гэх мэдээлэл гарсны дараа тухайн иргэдийн гэр бүл, бусад барьцааны хүмүүсийн ар гэр жагсаал өрнүүлжээ. Үүний дараа дайныг зогсоох хүсэлтэй иргэд жагсаалд нэгдэж эхэлснээр хурцадмал байдалд орж байна.
Тел Авив хотод 300 мянган хүн жагсаалд оролцож, амиа алдсан иргэдийг төлөөлүүлэн авс шатааж байжээ.
Израилийн батлан хамгаалах яамны мэдэгдсэнээр Газын өмнөд хэсэгт байрлах туннелиэс 40 настай Кармел Гат, 24 настай Эден Ерушалми, 23 настай Херш Голдберг-Полин, 33 настай Александр Лобанов, 27 настай Алмог Саруси, 25 настай Ори Данино нарын цогцсыг өнгөрсөн Бямба гаригт гаргаж авсан байна. Эдгээр хүмүүс нь 2023 оны аравдугаар сарын 7-нд Хамаст барьцаалагдсан хүмүүсийн нэг хэсэг байжээ.
Шүүмжлэгчид болон жагсагчдын зарим нь ерөнхий сайд Беньямин Нетаньяху хэзээ ч үр дүнгээ өгөхгүй гал зогсоох хэлэлцээрт Хамасыг уриалж байна гэж буруутгаж буй.
Тус улсын хамгийн том үйлдвэрчний эвлэл Даваа гаригаас эхлэн бүх нийтийн ажил хяалт зарлаж, засгийн газарт шахалт өгөхийг уриалах болсон. Гистадрутын үйлдвэрчний эвлэлийн тэргүүн Арнон Бар-Дэвид хэлэхдээ, тус улсын гол Бен Гурион нисэх онгоцны буудал орон нутгийн цагаар өглөөний 08:00 цагт хаагдах бөгөөд их дээд сургууль, үйлдвэрлэгч, бизнес эрхлэгч байгууллагууд жагсаалд оролцож байна.
Сэтгэгдэл бичих