“Бээжин газар нутгийн бүрэн бүтэн байдал гэсэн үндэслэлээр Тайпэйг өөртөө нэгтгэх гэж байгаа бол 19 дүгээр зуунд Хятадын сүүлчийн гүрний үед гарын үсэг зурсан газар нутгаа Оросоос эргүүлэн авах ёстой” гэж Тайванийн дарга Лаи Чин Тэ хэлжээ. Тодруулбал, Лаи Чин Тэ Тайванийн телевизээр ярилцлага өгөхдөө 1858 оны Айгунийн гэрээг дурдсан байна.
Энэ тухай “Википедиа” хуудаснаа “19 зууны үед Хятадын Чин гүрэн Хар тамхины дайнд оролцож хилийн асуудалд анхаарлаа хандуулахаа хойш тавиад байсан үе юм. Энэ нь Хаант Орос улсад ашигтай байсан бөгөөд Айгунь (1858 он), Бээжингийн (1860 он), гэрээнүүд, Чугучамын протокол (1864 он), Илиймын (1881 он) тус тус гэрээгээр Чин гүрэнд шахалт үзүүлэн нэг сая км2 нутаг Чин гүрнээс Хаант Орос улсад ирсэн байдаг” гэж бичжээ.
Энэ нь Амар мөрний дагуух одоогийн хилийн ихэнх хэсгийг бүрдүүлдэг газар нутаг аж.
Лаи Чин Тэ хэлэхдээ “Хятадын Тайванийг өөртөө нэгтгэх санаархал нь Тайванийн хэн нэг хүн, эсвэл улс төрийн намын хэлсэн үг, үйлдлээс шалтгаалаагүй. Хятад улс Тайванийг өөртөө нэгтгэхийг хүсч байгаа нь газар нутгийн бүрэн бүтэн байдлын төлөө биш. Хэрвээ тийм юм бол Айгунийн гэрээнд гарын үсэг зурсан газар нутгаа яагаад Оросоос эргүүлэн авахгүй байгаа юм бэ? Орос улс одоо хамгийн сул үе дээрээ байна” гэжээ.
Эх сурвалж: REUTERS
Сэтгэгдэл бичих