НҮБ-ын Хүнс, хөдөө аж ахуйн байгууллага, Дэлхийн эрүүл мэндийн байгууллагаас 2024 оныг “Хүнсний аюулгүй байдал–Болзошгүй эрсдэлд бэлэн байя” уриан дор үйл ажиллагаа өрнүүлж байна.
ХХААХҮЯ, НҮБ-ын ХХААБ хамтран “Нэг эрүүл мэнд үзэл баримтлалыг хүнсний аюулгүй байдлыг сайжруулах, худалдааны шударга байдлыг хангах хэрэгсэл болгон ашиглахад нь бага орлоготой орнуудад дэмжлэг үзүүлэх” (GCP/GLO/1195/ROK) төслийг манай улсад өнгөрсөн дөрөвдүгээр сараас эхлэн хэрэгжүүлж байгаа.
Төслийн хүрээнд улс орнууд хүнсний аюулгүй байдлын эрсдэлийг эрэмбэлэх, зэрэглэх, эрсдэлийн менежментийн тохирох хувилбаруудыг санал болгох, төлөвлөгөөт тандалт, урьдчилан сэргийлэх, бууруулах, хариу арга хэмжээ авах стратегиар дамжуулан хүнсний аюулгүй байдлын эрсдэлийг тогтвортой удирдах, бүх оролцогч талын дунд зан төлөв менежментийн өөрчлөлтийг дэмжих чиглэлээр ажиллах юм. Энэ нь хүнсний аюулгүй байдлыг хангахад төрийн болон төрийн бус байгууллага хоорондын ажлын уялдаа, хувийн хэвшлийн идэвхтэй оролцоог шаардсан салбар дундын зохицуулалтын шинжтэй, бүх нийтийг хамарсан ач холбогдолтой, цогц арга хэмжээ юм.
Энэ талаар гурван асуудлыг хэлэлцсэнийг НҮБ-ын ХХААБ, Төслийн зохицуулагч Д.Батчулуун ярив. Тодруулбал, Мах, малын гаралтай бүтээгдэхүүний олон улсын худалдаанд нөлөөлж мал, амьтны эрүүл мэндийн байдал, мал эмнэлгийн байгууллагын үүрэг, оролцоо, хяналтын тогтолцоо, анхаарах асуудал, Мал, амьтны эрүүл мэндийн харилцан адилгүй статустай улс орнуудын гадаад худалдааны зохицуулалт, нэг цонхны үйлчилгээ, тусгаарласан аж ахуй байгуулах боломж, Махны үйлдвэрүүдэд нэвтрүүлэх олон улсын гэрчилгээ, баталгаажуулалт, хяналтын тогтолцоог хэрхэн сайжруулах талаар ярилцсан санал солилцсоныг Стандарт хэмжил зүйн газар мэдээллээ.
Сэтгэгдэл бичих