Парисын олимпийн наадмын үеэр медаль авсан тамирчдад ямар ч бичиг, туузаар чимэглээгүй жижиг хайрцаг гардуулж байна. Олон хүмүүс угтаа тус хайрцагт юу байгаа талаар мэдэхийг хүсчээ. Цахим орчинд хайрцаг дотор жижигхэн цэцгийн баглаа, оргилуун дарс байгаа гэж мэтгэлцэж байсан бол их хэмжээний мөнгөн дүнтэй чек байгаа байх гэж таамагласан хүмүүс ч бий. Тэгвэл олон нийтийн төөрөгдлийг арилгах үүднээс медаль авсан тамирчид хайрцаг доторхоо үзүүлсэн байна. Үнэн хэрэгтээ олон нийтийн таамагласнаар байсангүй.
Тухайн жижигхэн хайрцаг дотор "Парис-2024" наадмыг дүрслэн үзүүлсэн уран зураг байх нь тэр.
Уран зураач Уго Гаттони Парис хотыг хүүхэлдэйн киноны дүрслэлд оруулж, том улаан Эйфелийн цамхаг. Сена мөрний дагуух тамирчдыг зурсан бүтээл нь медаль авсан тамирчдад дурсгал болж очиж буй. Мөн "Парис-2024" наадам нь 33 дахь удаагийн наадам болж байгаатай холбоотой "XXXIII Olympiade" гэсэн бичигтэй. Уран зургаас гадна тамирчдад Наадмын сахиусыг өхөөрдөм тоглоом болгон гардуулж байгаа аж.
Эх сурвалж: ABC NEWS
Сэтгэгдэл бичих