Бодлогод залуусын хяналт ТББ-аас сонгуулийн өдөр хэсгийн хороодын санал хураах, дүнг нэгтгэн, хяналтын тооллого хийх үйл явцыг ажиглахаар болсноо өнөөдөр мэдээлэв.
УИХ-ын 2024 оны ээлжит сонгуулиар улсын хэмжээнд 2180 хэсэг ажиллахаас 509 нь нийслэлд ажиллах юм. Үүнээс нийслэл болон 10 аймгийн 150 хэсгийн хороонд 300 хараат бус сайн дурын ажиглагч ажиллах аж.
Мөн Солонгос, Япон, АНУ-д санал хураах үеэр хөндлөнгийн хяналт тавих ажлыг сайн дурынхны оролцоотой зохион байгуулахаар төлөвлөж байна. Сайн дурын ажиглагч бэлтгэх сургалтыг энэ сарын 8-22-ны өдрүүдэд тодорхой давтамжтайгаар зохион байгуулна гэж тус ТББ-ын захирал Т.Амарзаяа мэдээллээ.
Сэтгэгдэл бичих