"Талын салхи мото наадам төлбөр хураамжгүй, хүн бүрд нээлттэй. Мотоцикл сонирхдоггүй ч ирээрэй"


6-р сарын 6
12 цаг 13 минут

Нийслэлийн Аялал жуулчлалын газраас зохион байгуулдаг “Талын салхи” олон улсын мото фестивалийн хэвлэлийн хурал өнөөдөр боллоо. 

Ес дэх жилдээ зохион байгуулагдах гэж буй уг мото наадам энэ сарын 8,9-ны өдрүүдэд мазаалай баавгайг хамгаалах уриан дор зохион байгуулагдах гэж байна.

Энэ жил тус наадамд Хятад, Орос, Солонгос, Малайз, Вьетнам, АНУ зэрэг дэлхийн 10 орчим улсаас моточид ирж оролцохоор болсон ба ерөнхий зохион байгуулалтыг "Skulls" мото клуб хийж байгаа аж. 

Зургаадугаар сарын 8-ны 10:00 цагт Сүхбаатарын талбайд моточид цуглаж, нээлтийн арга хэмжээгээ хийгээд 11:40 минутаас "Цонжин болдог" цогцолбор луу цуваагаар хөдлөх юм байна.

Зохион байгуулалтын талаар "Skulls" мото клубын төлөөлөл "Цонжин болдог"-н морьт хөшөө цогцолбор дээр зургаан га газрыг хамарсан фестивалийн тойрог хэлбэртэй 400-600 хүн багтах том асартай байна. Мөн 70 орчим үйлчилгээний асар ажиллана. Үндсэн тайзан дээр амьд хөгжмийн тоглолт, хамтлаг, дуучид уран бүтээлээ толилуулна. Хөтөлбөрөөр баялаг байна. 

Энэ жилийн хувьд ямар ч төлбөр хураамж, тасалбар авахгүй хүн бүрд нээлттэй. Мотоцикл сонирхдоггүй байсан ч хамаагүй ирээд фестивалийг сонирхоорой. 

Зохион байгуулагчдын зүгээс аюулгүй байдлыг маш сайн анхаарч ажиллана. Ирсэн зочдодоо харуул хамгаалалтын тусгай тууз татсан майхны бүс гаргана. Иймд тус бүсэд өөрсдийн майхнаа бариад аюулгүй хоноглоод зургаадугаар сарын 9-ны өдөр буцаж болно" гэв. 

Талын салхи мото наадмын түүх: Анх 2015 онд Монголын чоппер мотоциклчдын зөвлөл "Талын салхи" наадмыг үүсгэн байгуулж байжээ. Түүнээс хойш тасралтгүй зохион байгуулсаар энэ жил ес дэх жилдээ болох гэж байгаа нь энэ аж. 
 
 
АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих



Шинэ мэдээ

Хуситууд Йемений түр нийслэл Аден хот руу давшиж эхэлжээ9 цаг 27 минутын өмнөИлон Маск тэргүүтэй 165 мянган хүн Хуангийг албан тушаалд нь буцаан томилохыг шаардав9 цаг 29 минутын өмнөТуркийн “Silk and Cashmere” компани Монгол ноолуур худалдан авах сонирхол илэрхийлжээ9 цаг 29 минутын өмнөНүүрс зөөж, гал түлэхгүй амьдрахын тулд эхлээд байшингаа дулаан алдагдалгүй болгох хэрэгтэй9 цаг 30 минутын өмнөУлаанбаатар хотын агаарын бохирдлыг 3D орчинд мэдээлж эхэллээ9 цаг 31 минутын өмнөЦахилгааны тарифын хөнгөлөлтөд 289 мянга гаруй өрх хамрагдана9 цаг 31 минутын өмнөАИ 92 шатахуунаас татгалзаж, Евро 5-ын үнийг бууруулах боломжийг судалж байна9 цаг 35 минутын өмнөОслын улмаас хоёр хөлөө тайруулсан Австралийн парламентын гишүүн эмнэлгээс гарчээ9 цаг 36 минутын өмнөӨМНӨГОВЬ АЙМГИЙН ИРГЭДЭД ЗЭЭЛИЙН БАТЛАН ДААЛТЫН БОЛОМЖИЙГ ТАНИЛЦУУЛЛАА9 цаг 42 минутын өмнөЭМЭГТЭЙ БИЗНЕС ЭРХЛЭГЧДЭД ЗЭЭЛИЙН БАТЛАН ДААЛТЫН ДЭМЖЛЭГИЙГ ТАНИЛЦУУЛЛАА9 цаг 43 минутын өмнөДизель түлшний импорт 14 хувиар өсөж, суудлын автомашины импорт 10 хувиар буурчээ11 сар 13. 16:51Microsoft-ийн Outlook, Teams, Copilot программуудын ажиллагаа дэлхий даяар доголджээ11 сар 13. 16:50
© 2026 он. Зохиогчийн эрх хуулиар хамгаалагдсан.