Амралтын өдрөө хайртай хүмүүстээ зориулчихсан байхад ажлын өдөр хүртэл сэтгэл дүүрэн сайхан эхэлдэг тийм ээ.. Тэгвэл энэ удаад Мико гэр бүлдээ хэрхэн аз жаргалаар дүүрэн чанартай цаг зориулсантай танилцацгаая.
Энэхүү төлөвлөгөөнд Микогийн гэр, кофе, буйдан, амттан, чимэглэл, юнивишн, хайртай хүмүүс багтсан аж. Гэр бүлээ хайраар бялхуулсан түүний амжилттай төлөвлөгөөг хэн бүхэн биелүүлж аз жаргалтай Бямба гарагийг бүтээх боломжтойн үүднээс ийнхүү дэлгэрэнгүй доор өгүүлье.
Энэ дундаас чимэглэл хамгийн нарийн ажиллагаатай тул Мико эртлэн босож бэлдэхээр кофегоо ууж байгаа нь энэ юм.
Тэр эхнэр хүүхдүүддээ ойрд уулзаагүй хамаатныдаа зочлоод, өдөржин тоглож байгаад ирэх даалгаврыг өгчээ. Энэ хооронд Мико?
Мико энэ удаад гэр бүлээрээ “Up” хүүхэлдэйн киног гэртээ үзэхээр шийджээ. Зүгээр ч нэг үзэх биш чухал үзэгдлүүдийг бодит болгож гэрээ чимэглэн хүүхдүүддээ мартагдашгүй дурсамж үлдээх нь энэ төлөвлөгөөний гол зорилго юм.
Хамгийн эхний алхам бол дүрд хувирах. Түүний хувирсан дүр бяцхан Russel. Энэхүү дүрд хувирахад түүнд шар өнгийн малгай, подволк, пионер алчуур, тэмдгийн цуглуулга, тогтоогч хэрэг болжээ.
Up хүүхэлдэйн сэтгэл хөдөлгөм мөч үүлэн хөвөө байдаг. Үүлийг хажууд нь байгаа мэтээр бяцханууддаа харуулахын тулд зөвхөн 4 ш боодол хөвөн, зузаан утас, скоч л шаардлагатай. Хөвөнгөө дэлгээд тал талаас нь татан хүссэн хэлбэртээ бөөрөнхийлөхөд үүл бэлэн болж таазнаасаа наахад л болох юм.
Paradise Fall-д очиж үзэх буюу Карлтай гэрлээд Эллигийн умартсан мөрөөдөл хүүхэлдэйн киноны хамгийн сэтгэл өвдөм хэсэг байдаг. Хүүхдүүд гэлтгүй томчуудад ч “доторх хүүхдээ битгий март” гэх мессежийг өгсөн мэт.
Сонирхуулбал энэхүү хүрхрээ нь Венесуэл улсад Angel Fall нэрээрээ алдартай, 979 метр, дэлхийн хамгийн өндөр хүрхрээ юм. Мөрөөдлөө бодит болгохын тулд дараагийн алхам яагаад Венесуэл ч байж болохгүй гэж. Мико ч бас тэгж бодон зургийг нь хэвлэсэн болов уу.
Хүүхэлдэйн киноны хамгийн гол хэсэг бол Карлын хайрын байшин нь шаарнуудын тусламжтайгаар хөөрөх мөч. Хөөрч буй байшинг хийхийн тулд “Printable template of UP house” гэж хайлтын системээс хайгаад л та шууд бүтээх боломжтой. Мэдээж гол хэсгээс нь хүссэн хэмжээгээрээ бөмбөлгүүд уяарай.
Мико үүнийг бүтээснээрээ хүүхдүүддээ хүсэл мөрөөдөлд хязгаар байдаггүйг харуулах гэж хичээсэн гэдэгт итгэлтэй байна.
Байшингийнхаа ширхэг үртсийг ч хайрладаг Карл таягтаа яагаад газрын теннисний бөмбөг угласныг мэдэх үү? Карл ч гэлтгүй настай хүмүүс ихэвчлэн энэ үйлдлийг нэмэлтээр хийдэг. Учир нь дуу чимээ гаргахгүй, бас шалыг гэмтээж элэгдэхээс сэргийлдэг байх нь.
Мико ч бас гал тогооныхоо сандлыг 4ш газрын теннисний бөмбөгийг голоор нь 4 хувааж зүсэн дуурайлгаад амжжээ. Хүүхдүүд нь их л гайхаж асуусан байхдаа.
Ингээд сүүлийн гол дүр бол хөгжилтэй снайп шувуу Кэвин. Мико түүнийг гэртээ үүрд найзаа болгон хадгалахаар хөөсөнцрийн үйлдвэрт тусгайлан захиалсан гэнэ шүү. Мэдээж хоргүй будаг ашиглан дуурайлган буджээ.
Ан амьтад гэдэг хэн бүхний үнэнч нөхөр байдаг гэх санааг илэрхийлсэн Кэвинийн дүр охидын хайрыг яах аргагүй татжээ.
Микогийн гэр бүл түүний сэтгэл үнэртсэн төлөвлөгөөнд гүнзгий орсон агшин 🙂
Юнивишнтэй кино үздэг өдөр, хайртай дотнын хүмүүстэйгээ Бямба гараг бүр кино үзэж хэвшицгээе
Сэтгэгдэл бичих