Дэлхийн хүүхдийн өдөр: 10 хүүхдийн найм нь хүчирхийлэлд өртөж байна


11-р сарын 20
15 цаг 48 минут

Өнөөдөр /2023.11.20/ "Дэлхийн хүүхдийн өдөр" тохиож байна. "Хүүхдийн эрхийн конвенц"-ыг одоогоос 34 жилийн өмнөх энэ өдөр дэлхийн удирдагчид чуулж баталсан түүхтэй. Түүнээс хойш жил бүрийн арваннэгдүгээр сарын 20-нд олон улсад хүүхдийн өдрийг тэмдэглэн өнгөрүүлдэг болсон байна. Тухайлбал, 2017 онд энэ өдрийг тэмдэглэх талаар НҮБ-ын Хүүхдийн сангаас уриалсны дагуу дэлхийн 130 гаруй орон нэгдсэн байдаг.

Тунхаглалд хүүхдийн бие бялдар, оюун ухаан гүйцэд төлөвшөөгүйн улмаас түүнийг төрөхөөс өмнө болон төрсний дараа онцгой халамж, хамгаалалт, түүний дотор эрх зүйн зохих хамгаалалт шаардлагатайг зааж өгчээ.

Мөн хүүхдийг өв тэгш хөгжүүлэхэд ард түмэн бүрийн уламжлал, соёлын үнэт зүйлсийг харгалзан улс бүрт, ялангуяа хөгжиж байгаа орнуудад хүүхдийн амьдралын нөхцөлийг сайжруулахад олон улсын хамтын ажиллагааг бэхжүүлэх тухай тусгажээ. Дэлхийн хүүхдийн өдрийн хүрээнд Монгол Улсын хүүхэдтэй холбоотой статистик мэдээллийг нэгтгэн хүргэж байна.
ХҮҮХЭД ХАМГААЛЛЫН ҮЙЛЧИЛГЭЭНД ЖИЛ БҮР 8 ТЭРБУМ ТӨГРӨГ ТӨСӨВЛӨЖ БАЙНА
Монгол Улс хүүхэд хамгааллын салбарт сүүлийн жилүүдэд онцгой анхаарах болсон. Тухайлбал, хүүхэд хамгааллын үйлчилгээнд сүүлийн гурван жил тус бүр найман тэрбум төгрөг тусгасан. Хүүхэд хамгааллын хөтөлбөрийн зардлын 2022-2023 оны төлөвлөлтөөс харахад:
  • Хамгаалах нөхөн сэргээх үйлчилгээний зардалд 2022 онд 3,8 тэрбум төгрөг,
  • 2023 онд 5,7 тэрбум төгрөг,
  • Шуурхай тусламж үйлчилгээний зардалд 2022 онд 467 сая төгрөг,
  • 2023 онд  348 сая төгрөг,
  • Урьдчилан сэргийлэх зардалд 2022 онд 3,075 тэрбум төгрөг,
  • 2023 онд 1,8 тэрбум төгрөг хуваарилжээ.

УИХ-ын аравдугаар сарын 6-ны хуралдаанаар Хүүхдийн эрхийг хамгаалах тухай хуулийн хэрэгжилт, хүүхдийн эрхийг хамгаалах асуудлаар мэдээллийг сонссон. Тухайн үед хүүхэд хамгааллын хөтөлбөрийн зардлын зарцуулалтад аудит хийхэд холбогдох хууль, журмыг мөрдөөгүй, гүйцэтгэлд суурилсан зардлын төлөвлөлт хийдэггүй, санхүүгийн сахилга бат сул зэрэг хэд хэдэн зөрчил гарсан гэдгийг Хөдөлмөр, нийгэм хамгааллын сайд Х.Булгантуяа онцолж байв.

ХНХЯ-ны Нийгмийн хамгааллын институтээс гаргасан судалгаагаар 10 хүүхэд тутмын найм нь ямар нэг байдлаар хүчирхийлэлд өртсөн. Хоёр хүүхэд тутмын нэг нь бие махбодын хүчирхийлэлд, дөрвөн хүүхэд тутмын гурав нь сэтгэл санааны, гурван хүүхэд тутмын нэг нь үл хайхрах хүчирхийлэл, найман хүүхэд тутмын нэг нь бэлгийн хүчирхийлэлд өртөж байна.

Хүүхдийн тусламжийн 108 утасны үйлчилгээний төвийн дуудлага мэдээллийг авч үзвэл 2021 онд нийт тус төвд 26503, 2022 онд 117 мянган дуудлага, энэ оны есдүгээр сарын байдлаар 78310 дуудлага бүртгэгдсэн байна. Дуудлагыг задалж үзвэл, хүүхдийн эрх хамгаалал, бие махбодийн хүчирхийлэл, бэлгийн хүчирхийлэл, сэтгэл санаа, үл хайхрах, гэр бүлийн харилцааны зэрэгт хуваагдаж байна.

Нийгэмд гарч байгаа хүүхдийн эсрэг нийт хүчирхийллийн 70 гаруй хувь нь гэр бүлийн орчинд үйлдэгддэг аж.

Тиймээс хүүхдийн хөгжил, оролцоог дэмжсэн орчин бүрдүүлэх, үйлчилгээний хүртээмжийг нэмэгдүүлэх шаардлагатай байгаа юм.

АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих



Шинэ мэдээ

"Амь нас, эрүүл мэндээ эрсдэлд оруулан ажилладаг алба хаагчдадаа баярлалаа"5 сар 17. 16:41Альцгеймер өвчин хүнээс хүнд халдах магадлалтай5 сар 17. 16:40Саналын хуудас нэр дэвшигчид болон нам эвсэлд гэсэн хоёр хэсэгтэй байна5 сар 17. 16:39Цэргийн ёслол, хүндэтгэлийн жагсаалд 1600 орчим алба хаагч, тусгай албаны техник хэрэгсэлтэй оролцов5 сар 17. 16:38Нэр дэвшигчдээс мөнгөн болон мөнгөн бус хөрөнгө шаардах нь хууль бус үйлдэл5 сар 17. 16:3726 жил сураггүй болсон эрэгтэй зооринд олзлогдсон байжээ5 сар 17. 16:37Сураггүй болсон уулчин Ц.Өсөхжаргалын цогцсыг олжээ5 сар 17. 16:34"Шүүгчид өөрсөддөө хариуцлага тооцуулахгүй байх лоббиг хүчтэй хийсээр байна"5 сар 17. 16:31Газын зурваст АНУ-ын тусламж хүрэхэд бэлэн болов5 сар 17. 16:30Вийрават “Биг” Течакижатори: Монголын номын зах зээл жижигхэн ч боломж ихтэй5 сар 17. 16:22“Шинэ газрын тос” гэгдэх болсон зэсийг тойрсон хулгайн гэмт хэрэг дэлхий даяар нэмэгджээ5 сар 15. 16:03"Евро-Азийн зорчигчийн зах зээлээс Улаанбаатараар дамжих транзит зах зээлийг хөгжүүлнэ"5 сар 15. 16:02
© 2024 он. Зохиогчийн эрх хуулиар хамгаалагдсан.