ХХААХҮ-ийн сайд Х.Болорчулуун Исламын Бүгд Найрамдах Иран улсаас Монгол Улсад хавсран суугаа Онц бөгөөд Бүрэн Эрхт элчин сайд Мохсен Бахтиар болон бусад албаны хүнийг хүлээн авч уулзлаа.
Хоёр орон хагас зуун жилийн дипломат харилцааны түүхтэй улс билээ. Уулзалтын эхэнд сайд Х.Болорчулуун хоёр орны хүнс, хөдөө аж ахуйн салбарын хамтын ажиллагааны олон талт хөтөлбөр хэрэгжүүлэхээр төлөвлөж байгааг тэмдэглээд, “Манай улс хөдөө аж ахуй, хөнгөн үйлдвэрлэлийн чиглэлээр дэлхийн аль ч оронтой хамтран ажиллахад бэлэн. Хөдөө аж ахуй тэр дундаа, мах махан бүтээгдэхүүн, түүхий эдийн асар их нөөцтэй. Сүүлийн жилүүдэд махны экспортыг нэмэхэд онцгой анхаарч байгаа. Судалгаагаар, энэ оны 11 дүгээр сарын байдлаар Исламын Бүгд Найрамдах Иран Улс руу 5.3 мянган тонн халал аргаар бэлтгэсэн хонины шинэ мах экспортлоод байна. Цаашид энэ тоог нэмэх боломжтой. Монгол хонь бэлчээрийн ургамал иддэг тул махны амт, чанар дэлхийд дээгүүрт тооцогддог”-ыг онцлов.
Иран Улс нь 19 сая хүн амтай, эдийн засгийн хувьд томоохон зах зээл эргэлддэг тул мах, махан бүтээгдэхүүнээс гадна хөдөө аж ахуйн гаралтай бусад түүхий эд шаардлагатай байдаг. Мөн Иран Улсаас Монгол Улс руу органик хатаасан жимс, жимсгэнэ их хэмжээгээр импортлохыг дэмжиж ажиллахыг Элчин сайд Мохсен Бахтиар хэлснийг ХХААХҮЯ мэдээллээ.
Сэтгэгдэл бичих