Өмнөд Солонгосыг дэгэнд оруулсан элсэлтийн шалгалт


11-р сарын 16
14 цаг 59 минут

Өмнөд Солонгос улсад өнөөдөр коллежийн элсэлтийн шалгалт болж байна. Бараг хагас сая буюу 504588 элсэгч шалгалт өгч байгааг “Yonhap” хэвлэл мэдээллээ.

Элсэлтийн шалгалт буюу Коллежид суралцах чадварын шалгалт нь таван хэсгээс бүрдэх бөгөөд есөн цаг үргэлжилнэ. Шалгалтыг улс орон даяар 1279 цэгт авч байгаа аж.

Өмнөд Солонгос улсад элсэлтийн шалгалтыг тухайн жилийн хамгийн чухал арга хэмжээнд тооцдог. Дуу чимээ сурагчдад саад болно гэж үзсэний үндсэн дээр шалгалтын үеэр онгоц хөөрөх, газардахыг хүртэл хоригложээ. Тодруулбал, үдийн 13:05-13:40 хүртэл 35 минутын хугацаанд хориглосон байна. Үүнтэй холбоотойгоор 94 нислэгийн хуваарьт өөрчлөлт оруулжээ.

Covid-19 цар тахлын үед сурагчдыг халдвартай, халдваргүйгээр нь салгаж, тусдаа өрөөнд шалгалт авч байв. Харин энэ жилийн хувьд цар тахлаас хойш анх удаа ийм ангилан ялгалтгүйгээр нэг өрөөнд оруулжээ. Мөн амны хаалт заавал зүүх ёстой гэсэн хатуу шаардлагыг ч энэ жил цуцалсан байна. Гэхдээ Covid-19-ийн халдвартай бол маскаа зүүх бөгөөд тусдаа өрөөнд өдрийн хоолоо иднэ.

Түүнчлэн өглөө, оройны ачаалал ихтэй цагаар метроны үйлчилгээг өргөжүүлжээ. Энгийн үед Сөүлийн метро өглөөний 07:00-09:00 цаг хүртэл явдаг бол шалгалтын өдөр 06:00-10:00 цагийн хооронд явна.

Цагдаагийн машинууд болон бүс нутгийн засаг захиргааны албан тушаалтнууд ч сурагчдыг шалгалтын байранд цагтаа амжиж очиход нь туслах зорилгоор бэлэн байдалд байдаг. Засаг захиргааны байгууллагууд түгжрэлд нэрмээс болохгүйн тулд энэ өдөр ажлын цагаа 10:00-оос эхлүүлдэг аж.

Улс орон даяарх валют солилцооны газрууд ч ажил эхлэх цагаа нэг цагаар хойшлуулдаг.

Элсэлтийн шалгалтыг жил бүрийн арваннэгдүгээр сарын гурав дахь Пүрэв гаригт авдаг уламжлалтай. Энэхүү шалгалтын хариуг амьдралынх нь замналыг тодорхойлох гол хүчин зүйл гэж эцэг эхчүүд болон сурагчид үздэг.

Эх сурвалж: YONHAP

АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих



Шинэ мэдээ

Хуситууд Йемений түр нийслэл Аден хот руу давшиж эхэлжээ11 сар 16. 16:28Илон Маск тэргүүтэй 165 мянган хүн Хуангийг албан тушаалд нь буцаан томилохыг шаардав11 сар 16. 16:26Туркийн “Silk and Cashmere” компани Монгол ноолуур худалдан авах сонирхол илэрхийлжээ11 сар 16. 16:26Нүүрс зөөж, гал түлэхгүй амьдрахын тулд эхлээд байшингаа дулаан алдагдалгүй болгох хэрэгтэй11 сар 16. 16:25Улаанбаатар хотын агаарын бохирдлыг 3D орчинд мэдээлж эхэллээ11 сар 16. 16:24Цахилгааны тарифын хөнгөлөлтөд 289 мянга гаруй өрх хамрагдана11 сар 16. 16:23АИ 92 шатахуунаас татгалзаж, Евро 5-ын үнийг бууруулах боломжийг судалж байна11 сар 16. 16:20Ослын улмаас хоёр хөлөө тайруулсан Австралийн парламентын гишүүн эмнэлгээс гарчээ11 сар 16. 16:19ӨМНӨГОВЬ АЙМГИЙН ИРГЭДЭД ЗЭЭЛИЙН БАТЛАН ДААЛТЫН БОЛОМЖИЙГ ТАНИЛЦУУЛЛАА11 сар 16. 16:13ЭМЭГТЭЙ БИЗНЕС ЭРХЛЭГЧДЭД ЗЭЭЛИЙН БАТЛАН ДААЛТЫН ДЭМЖЛЭГИЙГ ТАНИЛЦУУЛЛАА11 сар 16. 16:11Дизель түлшний импорт 14 хувиар өсөж, суудлын автомашины импорт 10 хувиар буурчээ11 сар 13. 16:51Microsoft-ийн Outlook, Teams, Copilot программуудын ажиллагаа дэлхий даяар доголджээ11 сар 13. 16:50
© 2026 он. Зохиогчийн эрх хуулиар хамгаалагдсан.