Монголын сагсан бөмбөгийн дээд лигийн шилдэг шидэгчдийн нэг “Гарьд” багийн Б.Мөнхболд гурван онооны шидэлтийг амжилттай гүйцэтгэх бүрдээ 100 мянган төгрөгийг сайн үйлсийн аянд хандивлахаар болжээ.
Энэ талаар “Japan Car Trade” компани цахим хуудаснаа “Манай компани нийгмийн хариуцлагын хүрээнд хайртай багийнхаа дуртай тоглогчтойгоо хамтран ажиллахаар боллоo. “Гарьд” багийн менежер Ч.Ижилболд болон тоглогч Б.Мөнхболдтой ярилцан тохиролцсоны үндсэн дээр “Гарьд” багийн хожсон тоглолт болгонд, тоглогч Б.Мөнхболдын гурван онооны амжилттай хийсэн шидэлт бүрийг 100 мянган төгрөгөөр бодож, тойрог тус бүрийн тоглолт төгсгөлд хуримтлагдсан мөнгийг сайн үйлсийн аянд зориулахаар болсон” гэв.
Б.Мөнхболд сүүлд “Улаанбаатар TLG” багийн эсрэг гурван удаа гурван онооны шидэлтээ амжилттай гүйцэтгэжээ.
Сэтгэгдэл бичих