Домогт Битлзийн дуу Британийн чартыг дахин тэргүүллээ


11-р сарын 13
16 цаг 28 минут

ЛОНДОН, 2023 оны арваннэгдүгээр сарын 13 /ВВС/.  Өнгөрсөн долоо хоногт гарсан, "Битлз" хамтлагийн шинэ дуу болох "Now And Then" Их Британийн чартыг тэргүүллээ. Ливерпүүлийн домогт дөрвөлийн дуу хамгийн сүүлд 1969 онд тус чартыг тэргүүлж байжээ.

 "Гайхалтай! Энэ бол миний хувьд туйлын сэтгэл хөдөлгөм мөч юм. Би маш их баяртай байна" гэж Пол Маккартни ВВС-д ярьжээ. 

Битлзийн түүхэн дэх сүүлчийн шинэ дуу болох энэ сингл хэд хэдэн дээд амжилт тогтоогоод байна. Нэгдүгээрт, “Now And Then”-ийн пянзны борлуулалт 21-р зууны дээд амжилтыг тогтоолоо гэж хөгжмийн чартуудыг эмхэтгэдэг “Official Charts Company” мэдээлсэн байна. Тодруулбал, долоо хоногийн дотор Их Британид 19.4 мянган пянз борлуулжээ.

 Хоёрдугаарт, хамгийн удаан хугацааны дараа буюу 54 жилийн дараа Их Британийн чартуудыг дахин тэргүүлсэн хамтлаг бол Битлз юм. Тухайн үед тус хамлагийн "“The Ballad of John and Yoko” дуу тэргүүлж байлаа. Энэ үзүүлэлтээр дуучин Кейт Буш удаалж байна. Британийн чартыг тэргүүлж байсан түүний анхны дуу нь 1978 онд гарсан бол сүүлчийнх нь 44 жилийн дараа буюу 2022 онд гарчээ. 

Гуравдугаарт, Битлз хамтлаг одоо Британийн чартыг тэргүүлж буй хамгийн ахмад настай хамтлаг болж байна. Ноён Пол Маккартни 82 настай, Ринго Стар 83 настай бол шүтэн бишрэгчдийнхээ хувьд Жон Леннон 40, Жорж Харрисон 58 настай хэвээр үлдэнэ. 

Найруулагч Питер Жексоны бүтээсэн “Now And Then” дууны клипийг YouTube-д одоогийн байдлаар аль хэдийн 8 орчим сая удаа үзээд байна. 

Эргэн сануулахад, дууны найруулгыг хийхдээ Жон Ленноны 1970-аад оны сүүлээр төгөлдөр хуур дээр тоглож байсан бичлэгт тулгуурлажээ. 1990-ээд оны дундуур Битлзийн гурван гишүүн “Аntology” төслийн хүрээнд энэ дуун дээр ажиллах гэж оролдсон боловч дуусгаж чадаагүй аж. Гэхдээ Жорж Харрисон дууны гитарын хэсгийг бичиж чадсан байна. 

Харин өнгөрсөн онд Пол Маккартни, Ринго Старр нар хуурцганд бичсэн чанар муутай уг бичлэгээс Жон Ленноны дуу хоолойг төгөлдөр хуурын эгшиг болон бусад бүх чимээ шуугианаас салгахын тулд хамгийн сүүлийн үеийн хиймэл оюун ухааны технологийг ашиглаж, “Now And Then” -ийг бүтээж дуусгажээ.  

АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих



Шинэ мэдээ

Оюутолгойгоос иргэн бүрд 857 мянган төгрөг олгох асуудлаар ажлын хэсэг байгуулав11 сар 18. 14:28МАН-ын ЕНБ-ийн дарга Я.Содбаатар АТГ-т шалгуулна11 сар 18. 14:26Хууль бус мөрийтэй тоглоом зохион байгуулсан 10 этгээдийг баривчилжээ11 сар 18. 14:26М банк БНСУ-ын тэргүүлэгч дижитал банк болох КакаоБанктай хувьцаа эзэмших гэрээ байгууллаа11 сар 18. 14:24Н.Учрал: Батлан хамгаалах салбарыг эзгүйдүүлэхгүйн тулд Д.Батлут сайдын өргөдлийг хараахан зөвшөөрөөгүй11 сар 18. 14:23НӨАТ-ын сугалааны тохирол өнөөдөр 13:00 цагаас эхэлнэ11 сар 18. 14:22Н.Учрал: Өнөө шөнө энгийн АИ-92 шатахууныг литр тутамд 150 төгрөгөөр, еврог нь 1000 төгрөгөөр бууруулна11 сар 18. 14:20Ц.Идэрбат: Үхрийн арьсаа тушаасан малчин бүрд арьс ширний урамшууллыг хурдан олгоно11 сар 18. 14:19ГАН ҮЙЛДВЭРЛЭЛИЙН ЦОГЦОЛБОР ТӨСЛИЙН ХӨРӨНГӨ ОРУУЛАГЧИЙГ СОНГОН ШАЛГАРУУЛАХ ҮНЭЛГЭЭНИЙ ХОЁРДУГААР ШАТНЫ ХУРАЛДААН БОЛЛОО11 сар 18. 14:08ГАЗРЫН ТОСНЫ БҮТЭЭГДЭХҮҮН ХАДГАЛАХ 3000 МЕТР КУБ БАГТААМЖТАЙ НӨӨЦИЙН АГУУЛАХ АШИГЛАЛТАД ОРЛОО11 сар 18. 14:07АҮЭБЯ: БҮТЭЭГДЭХҮҮН ХУВААХ ГЭРЭЭНИЙ ҮҮРГИЙН БИЕЛЭЛТИЙГ ХАНГУУЛАХ, ХУГАЦАА ХЭТЭРСЭН ӨР ТӨЛБӨРИЙГ ШҮҮХЭД ӨГӨХИЙГ АМГТГ-Т ДААЛГАВ11 сар 18. 11:31Зээлийн батлан даалтын сан "ACSIC"-ийн уулзалтад оролцлоо11 сар 17. 14:48
© 2026 он. Зохиогчийн эрх хуулиар хамгаалагдсан.