-2023 оны есдүгээр сарын 18-24-нд болох үйл явдлын тойм-
Есдүгээр сарын 18-нд: Монгол-Хятадын хэвлэл мэдээллийн ээлжит форум БНХАУ-ын ӨМӨЗО-ы Улаанцав хотод болно.
Есдүгээр сарын 18-нд: “Илүү их уншъя” уриатай 34 дэх удаагийн Үндэсний номын баяр төв талбайд үргэлжилнэ.
Есдүгээр сарын 18-нд: Монгол, Японы эмэгтэй гэрэл зурагчдын хамтарсан “Таван амьдрал” үзэсгэлэн Монголын Уран зургийн галерейд нээлтээ хийнэ.
Есдүгээр сарын 18-нд: Завхан аймагт Мал эмнэлгийн байгууллагын 100 жилийн ойг тэмдэглэнэ.
Есдүгээр сарын 18-22-нд: Монголын суут соён гэгээрүүлэгч, тавдугаар дүрийн ноён хутагт Данзанравжаагийн мэндэлсний 220 жилийн ойг тохиолдуулан зохион байгуулж буй “Үлэмжийн чанар” уртын дуу дуулаачдын олон улсын уралдааны нэгдүгээр шатны шалгаруулалт болно.
Есдүгээр сарын 19-нд: Монгол Улсын Хөдөлмөрийн баатар, Ардын уран зохиолч Б.Лхагвасүрэнгийн "Тамгагүй төр" драмын жүжгийг БНХАУ-ын ӨМӨЗО-ы Хөх хотод тоглоно.
Есдүгээр сарын 19-20-нд: Монгол Улсын Ерөнхийлөгч У.Хүрэлсүх НҮБ-ын Ерөнхий Ассамблейн чуулганд оролцоно.
Есдүгээр сарын 20-нд: МҮХАҮТ-ын XXI их хурал болно.
Есдүгээр сарын 20-нд: 48 дахь удаагийн “Улаанбаатар түншлэл-2023” олон улсын үзэсгэлэнгийн бүртгэл өндөрлөнө.
Есдүгээр сарын 21-22-нд: Дундговь аймагт "Дундговь түншлэл-2023" зах зээлийн өдөрлөг болно.
Есдүгээр сарын 22-нд: Дэлхийн сонгодог хөгжмийн түүхэнд шинэ давалгаа болж мэндэлсэн ХIX зууны сүүлч, XX зууны эхэн үеийн хөгжмийн зохиолчид болох М.Равел, А.Дворак, A.Арутиуниан, Ж.Сук нарын бүтээлээр Улсын Филармонийн Симфони найрал хөгжмийн уран бүтээлчид "Сонгодог үдэш" тоглолт толилуулна.
Есдүгээр сарын 22-нд: Өвөрхангай аймагт Монгол Улсын Ерөнхий сайд Л.Оюун-Эрдэнэ ажиллана.
Есдүгээр сарын 22-23-нд: “Нээлттэй Сэлэнгэ” үйл ажиллагаа Улаанбаатар хотод болно.
Есдүгээр сарын 22-24-нд: “Цагаан идээний үзэсгэлэн” Байгалийн түүхийн музейд гарна.
Есдүгээр сарын 22-24-нд: Тооцооллын болон хэрэглээний математикийн олон улсын чуулган Улаанбаатар хотноо болно.
Есдүгээр сарын 22-24-нд: Баянхонгор аймагт Монгол Улсын Засгийн газрын Шинэ сэргэлтийн бодлогын хүрээнд “Нээлттэй Баянхонгор аймаг” нэгдсэн үйл ажиллагааг зохион байгуулна.
Есдүгээр сарын 23-24-нд: Тав дахь удаагаа зохион байгуулж буй “InspireMeфестиваль” “White Rock Centre”-т болно.
Есдүгээр сарын 23-25-нд: Дорнод аймагт “Дорнодын шинэ сэргэлт” хөрөнгө оруулалтын чуулган болно.
Есдүгээр сарын 24-нд: Кристина Ноблийн Хүүхдийн Сангаас /КНХС/ жил бүр зохион байгуулдаг Хүүхдийн төлөөх Итгэл Найдварын Алхалт /Children's Walk for Hope/ хандивын үйл ажиллагаа болно.
Сэтгэгдэл бичих