“Apple” компани “iPhone 15” гар утаснуудаа танилцууллаа


9-р сарын 13
12 цаг 31 минут

Америкийн “Apple” компани жил бүрийн есдүгээр сард уламжлал ёсоор зохион байгуулдаг шинэ бүтээгдэхүүн танилцуулах арга хэмжээнийхээ үеэр “iPhone 15” ухаалаг гар утаснуудаа бусад томоохон шинэчлэлтүүдийн хамтаар танилцууллаа. 

Тус компани “iPhone 15” загваруудаа “USB-C” цэнэглэх оролттой болж байгааг зарласан нь чухал алхам боллоо. Энэхүү өөрчлөлт нь янз бүрийн төхөөрөмж, өөр өөр брэндүүдийн бүтээгдэхүүнийг цэнэглэх үйл явцыг хялбаршуулах зорилготой юм. 

“Apple” мөн шинэ өнгөний сонголт, дохио зангаагаар удирдах зэрэг функцүүд бүхий “Apple Watch Series 9”, “Ultra 2” ухаалаг цагнууд болон "USB-C" цэнэглэгчтэй "AirPods Pro" утасгүй чихэвчний хувилбарыг үзүүлэв.

Тус компани хэрэглэгчдэдээ гар утсаа шинэчлэх олон шалтгааныг бий болгохыг эрмэлзэж байгаатай холбоотойгоор “iPhone” ухаалаг гар утасныхаа шинэ загваруудад цэнэглэгчийн оролт, загвар дизайн, камерын систем зэрэгт өөрчлөлтүүдийг хийжээ.

Өнгөрсөн сард “Apple”-ийн борлуулалт гурав дахь улиралдаа дараалан буурсан юм. Хэрэглэгчид гар утсаа байнга шинэчлэхгүй байгаагаас шалтгаалан тухайн улиралд “iPhone”-ын орлого 39.7 тэрбум ам.долларт хүрсэн нь өмнөх жилийнхээс ойролцоогоор 2 хувиар буурсан үзүүлэлт болжээ.

 Мягмар гарагт “Apple” шинэ “iPhone 15” гар утаснуудынхаа үнийг өсгөхгүй байхаар шийдсэнээ мэдэгдсэн нь хэрэглэгчдэд төхөөрөмжөө шинэчлэн сайжруулахад түлхэц болж магадгүй байна.

 “iPhone 15”, “iPhone 15 Plus” 

“iPhone 15”, “iPhone 15 Plus” загваруудын хувьд “А16 Bionic” чиптэй, 6.1, 6.7 инчийн “Super Retina XDR” дэлгэцтэй, хар, хөх, ногоон, шар, ягаан өнгөний сонголттойгоос гадна, “USB-C” цэнэглэх оролттой, 48 мегапикселийн үндсэн камертай байна. Үнийн хувьд тус тус 799, 899 ам.долларын үнэтэй байх ажээ. 

“iPhone 15 Pro”, “iPhone 15 Pro Max”

Харин “iPhone 15 Pro”, “iPhone 15 Pro Max” гар утаснууд нь титан хүрээ, хар титан, цагаан титан, цэнхэр титан, байгалийн титан гэсэн өнгөнүүдтэй, “A17 Pro” чиптэй, 6.1, 6.7 инчийн дэлгэцтэй, 24 мм, 28 мм, 35 ​​мм-ийн фокуслах зай бүхий 48 мегапикселийн камертай, зураг боловсруулах шинэ алгоритмуудтай болжээ. Үнийн хувьд 999, 1199 ам.доллар байна. 

Шинэ гар утаснуудын урьдчилсан захиалга есдүгээр сарын 15-наас эхэлж, 22-ноос худалдаанд гарна. 

“Apple Watch 9 series”

“Apple Watch 9 series” ухаалаг цагнууд нь шинэ “S9 SiP” процессортой, илүү тод дэлгэцтэй болсноос гадна шинэ “UWB” чиптэй болжээ. Мөн эрхий болон долоовор хурууны товшилтоор дохио зангаа таних технологи, шинэ оосортой болсон байна. Үнийн хувьд 399 ам.доллараас эхэлнэ.   

“Apple Watch Ultra 2”

“Apple Watch Ultra 2” ухаалаг цаг нь биеийн тамирын дасгал хөдөлгөөнийг хянах сайжруулсан алгоритмуудтай, цуглуулсан мэдээлэлд дэвшилтэт дүн шинжилгээ хийдэг болсноос гадна мөн “Apple Watch 9”-ийн адил шинэ оосортой бөгөөд цэнэг хэмнэх горимд 72 цаг хүртэл цэнэгээ барих чадалтай. Энэхүү цаг нь 799 ам.долларын үнэтэй байна. 

Ухаалаг цагнуудын урьдчилсан захиалгыг өнөөдрөөс буюу есдүгээр сарын 12-ны өдрөөс эхлэн авч, есдүгээр сарын 22-ноос худалдаанд гаргана.

АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих



Шинэ мэдээ

Нийтийн тээврийн 6 чиглэлд түр өөрчлөлт оруулна2 цаг 9 минутын өмнөБельги дэх монголчуудыг жагсаалын бүсээс хол байхыг сэрэмжлүүлэв2 цаг 10 минутын өмнөЕрөнхийлөгчийн сонгуульд АН ялахгүй бол авлигачид улам галзуурна2 цаг 11 минутын өмнөДайнтай улс ч төсвөө 33 хувиар нэмээгүй шүү. Сонгууль угтсан төсөв ийм аюултай2 цаг 12 минутын өмнөМонгол Улс цахим засаглалын индексээр дэлхийд 42 дугаарт эрэмбэлэгджээ2 цаг 13 минутын өмнөХөвсгөл аймгийн Төмөрбулаг суманд 4.0 магнитудын хүчтэй газар хөдөлжээ2 цаг 13 минутын өмнөАвлига, ашиг сонирхлын зөрчлийн гомдол 20 хувиар нэмэгджээ2 цаг 14 минутын өмнөБНСУ-ын хуулийн шалгалтыг хуурсан гэх хардлагад өртсөн залуу амиа алджээ2 цаг 15 минутын өмнөНийслэлд хулгайн гэмт хэрэг 30 хувиар буурч, гэмт хэргийн илрүүлэлт 10 хувиар нэмэгджээ3 цаг 20 минутын өмнөГар утсаа зөвхөн "Баталгаат засварын төв"-д засуулаарай3 цаг 20 минутын өмнөШөнийн автобус 22:00-02:00 цагийн хооронд дараах чиглэлүүдэд үйлчилж байна11 сар 19. 14:59Доройтсон газрыг нөхөн сэргээхэд Япон улстай хамтарна11 сар 19. 14:58
© 2026 он. Зохиогчийн эрх хуулиар хамгаалагдсан.