Азийн улс төрийн намуудын төлөөлөл чуулж байна


8-р сарын 5
16 цаг 36 минут

Азийн улс төрийн намуудын олон улсын бага хурлын Залуучуудын VI хурал, Эмэгтэйчүүдийн VII хурал өнөөдөр Улаанбаатар хотноо Тэрэлж зочид буудалд эхэллээ.

 

Нэгдсэн хуралдааныг нээж Азийн улс төрийн намуудын олон улсын бага хурлын \АУТНОУБХ\ Байнгын хорооны дарга, БНСУ-ын Гадаад хэргийн сайд асан ЧУн Юй Ён үг хэлэхдээ,  цар тахлын улмаас АУТНОУБХ-ын Эмэгтэйчүүдийн болон Залуучуудын ээлжит хурлыг дөрвөн жил хүлээсний эцэст ардчиллын үлгэр жишээ болж буй үзэсгэлэнт Монгол Улсад болж буйд баяртай байгаагаа илэрхийлээд АУТНОУБХ нь эрх тэгш нийгмийг цогцлооход чухал үүрэгтэйг онцоллоо. 

Хуралд 21 орны 28 улс төрийн намын төлөөлөл оролцож байна. Тухайлбал, ОХУ, БНХАУ, БНСУ, Турк, Вьетнам, Лаос, Индонез, Филиппин, Пакистан, Малайз, Ирак, Гүрж, Мьянмар, Непал, Шри Ланк, Тайланд, Бангладеш зэрэг Азийн улс орнуудаас гадна Африк тивээс Гана, Европ тивээс Испанийн улс төрийн намын төлөөлөл иржээ.  

Засгийн Газрын Хэрэг Эрхлэх Газрын дарга, МАН-ын Ерөнхий нарийн бичгийн дарга Д.Амарбаясглан мөн нээлтийн үг хэллээ. Тэрбээр "  Монгол Ардын Нам 2004 оноос ICAPP-н үйл ажиллагаанд идэвхтэй оролцож, 2013 онд Байнгын хорооны гишүүнээр элссэн нь бидний олон улс дахь үйл ажиллагаа улам өргөжихөд нэгээхэн чухал алхам болсон. Монгол Ардын Нам эх орондоо өрнөж буй дэвшилтэт шинэчлэлийг манлайлан хэрэгжүүлсээр ирсэн түүхэн замналтай тул энд хүрэлцэн ирсэн зочид Та бүхэнтэй харилцан сайн туршлагаа хуваалцахад баяртай байх болно. Та Бидний хамтын ажиллагаа иргэддээ тэгш боломжийг баталгаатай бүрдүүлж өгсөн, хүний эрхийг дээдэлсэн, нийгмийн шударга ёсыг сахин хамгаалсан, хот-хөдөөгийн хөгжлийн ялгааг бууруулсан, эх орныхоо хүссэн газар сайхан амьдрах боломжтой иргэнлэг, хүмүүнлэг нийгмийг бүтээхэд чиглэгдэнэ гэдэгт итгэж байна " гэж тэмдэглэв.

Азийн улс төрийн намуудын олон улсын бага хурлын Залуучуудын VI хурал “Цар тахлын дараах нийгэм, эдийн засгийн ахиц дэвшлийн төлөөх нийгмийн яриа хэлэлцээнд залуучуудыг оролцуулах нь”, Эмэгтэйчүүдийн VII хурал “Цар тахлын дараах сэргэлтийг жендэрийн мэдрэмжтэй болгохын тулд эмэгтэйчүүдийн манлайллыг дэмжих нь” сэдвийн дор болж байна.

 

Азийн улс төрийн намуудын олон улсын бага хурлыг 2000 онд Азийн улс төрийн олон өөр үзэл баримтлалтай улс төрийн намуудын хамтын ажиллагааг сурталчлан таниулах, улс орнуудын илтгэлцэл, харилцан ойлголцлыг сайжруулж, улс төрийн намуудын бүсийн хамтын ажиллагааны харилцааг идэвхжүүлэх зорилгоор эхлүүлсэн. Тус байгууллагын нөлөө жилээс жилд өссөөр 2018 оны байдлаар бүс нутгийн 52 орны 350 гаруй улс төрийн нам гишүүнээр элсээд буй. БНСУ-ын Сөүл хотноо төвтэй Азийн улс төрийн намуудын олон улсын бага хурал /ICAPP/-д улс төрийн намууд үзэл баримтлал хамаарахгүйгээр нэгдсэн гэдгээрээ онцлог. Энэ ч утгаар Монгол Улсаас Монгол Ардын Нам, Ардчилсан нам, ХҮН тус байгууллагын гишүүн улс төрийн хүчнүүд юм. Монгол Улсаас хамгийн анх Монгол Ардын Нам 2004 оноос тус байгууллагын үйл ажиллагаанд идэвхтэй оролцож, 2013 оноос эхлэн Байнгын хорооны гишүүнээр сонгогдон ажиллаж байна.

 

Азийн улс төрийн намуудын олон улсын бага хурлын Ерөнхий нарийн бичгийн дарга Пак Ро Бюун 2019 оны зургаадугаар сард Монгол Улсад айлчилсан. Энэ үеэр Монгол Ардын Намын Ерөнхий нарийн бичгийн дарга Д.Амарбаясгалантай уулзсан бөгөөд уулзалтын үеэр 2020 оны дөрөвдүгээр сард Азийн улс төрийн намуудын олон улсын бага хурлын Залуучуудын VI, Эмэгтэйчүүдийн VII хурлыг Улаанбаатар хотноо зохион байгуулах санаачилгыг гаргасан юм. Уг санаачилгыг Азийн улс төрийн намуудын олон улсын бага хурлын Байнгын хороо 2019 оны 12 дугаар сарын 13-нд Малайз улсад зохион байгуулагдсан 33 дугаар хурлаар зөвшөөрчээ.      

 

АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих



Шинэ мэдээ

"Амь нас, эрүүл мэндээ эрсдэлд оруулан ажилладаг алба хаагчдадаа баярлалаа"5 сар 17. 16:41Альцгеймер өвчин хүнээс хүнд халдах магадлалтай5 сар 17. 16:40Саналын хуудас нэр дэвшигчид болон нам эвсэлд гэсэн хоёр хэсэгтэй байна5 сар 17. 16:39Цэргийн ёслол, хүндэтгэлийн жагсаалд 1600 орчим алба хаагч, тусгай албаны техник хэрэгсэлтэй оролцов5 сар 17. 16:38Нэр дэвшигчдээс мөнгөн болон мөнгөн бус хөрөнгө шаардах нь хууль бус үйлдэл5 сар 17. 16:3726 жил сураггүй болсон эрэгтэй зооринд олзлогдсон байжээ5 сар 17. 16:37Сураггүй болсон уулчин Ц.Өсөхжаргалын цогцсыг олжээ5 сар 17. 16:34"Шүүгчид өөрсөддөө хариуцлага тооцуулахгүй байх лоббиг хүчтэй хийсээр байна"5 сар 17. 16:31Газын зурваст АНУ-ын тусламж хүрэхэд бэлэн болов5 сар 17. 16:30Вийрават “Биг” Течакижатори: Монголын номын зах зээл жижигхэн ч боломж ихтэй5 сар 17. 16:22“Шинэ газрын тос” гэгдэх болсон зэсийг тойрсон хулгайн гэмт хэрэг дэлхий даяар нэмэгджээ5 сар 15. 16:03"Евро-Азийн зорчигчийн зах зээлээс Улаанбаатараар дамжих транзит зах зээлийг хөгжүүлнэ"5 сар 15. 16:02
© 2024 он. Зохиогчийн эрх хуулиар хамгаалагдсан.