Гэдэсний халдварт өвчний үед илрэх ШИНЖ ТЭМДГҮҮД


7-р сарын 5
16 цаг 36 минут

Гэдэсний халдварт өвчний үед илрэх шинж тэмдэг, эрүүл мэндийн тусламж үйлчилгээний талаар ХӨСҮТ-ийн Гэдэсний халдварын эмнэл зүйн клиникийн тасгийн эрхлэгч Б.Даваахүү мэдээлэл өгөв. 

Тэрбээр "Гэдэсний халдварт өвчин нь бохирдсон хоол унд болон бохир гараар дамждаг. Энэ үед халуурах, дотор муухайрах, бөөлжих, суулгах, хэвлий орчмоор өвдөх, бие чичрэх, халуурснаас үүдэн таталт өгөх зэрэг шинж тэмдэг илэрнэ.

Гэдэсний халдварт өвчин дотроос цусан суулга, хоолны хордлого, шар өвчний халдвар хамгийн их давамгайлдаг. Эдгээр нь бохидсон хоол хүнсээр дамжиж үүсдэг. Хамгийн гол нь эрүүл мэндийн боловсрол, ариун цэврийг хэрхэн сахиж байгаагаас шалтгаална.

Халдварт өвчин тодорхой үе шаттай.

  • Урьтал үед бие тавгүйрхэх, чичрэх зовуурь илэрдэг.
  • Өвчний шинж тэмдэг дотор муухайрах, бөөлжих, хэвлийгээр өвдөх, цустай, залхагтай суулгах, халуурах зэргээр ажиглагддаг.

Дээрх шинж тэмдэг илрэхээс гадна архаг хууч өвчин сэдрэх магадлалтай. Өвчний шинж тэмдэг илэрвэл ойр байгаа эмнэлгийн байгууллагад очиж хандахыг зөвлөе.  

Сүүлийн үед утсаар зөвлөгөө аваад дур мэдэн антибиотик хэрэглэх үзэгдэл гарч байна. Өөрийнхөө мэддэг ганц хоёр эмийг дур мэдэн авч уугаад эдгэрч байгаа юм шиг боловч цаанаа хор холбогдол ихтэй.

Тухайн эд эрхтний бүтцийн түвшинд эдгэрэлт явагддаггүй гэсэн үг. Улмаар ходоод, нарийн, бүдүүн гэдэсний улайлт болон хавдар үүсэх хүртэл хэтийн сөрөг нөлөөтэй. Ийм учраас заавал эмнэлгийн тусламж үйлчилгээ авахыг зөвлөж байна" гэлээ. 

АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих

© 2024 он. Зохиогчийн эрх хуулиар хамгаалагдсан.