Reuters: Францын Гадаад хэргийн сайд Монголд айлчлах үеэрээ уран олборлох тухай гэрээний талаар хэлэлцэнэ


6-р сарын 29
15 цаг 55 минут

Францын Гадаад хэргийн сайд Катрин Колонна зургаадугаар сарын 29-30-нд Улаанбаатарт айлчлах үеэрээ Монгол Улсад уран олборлох тухай цөмийн технологийн “Orano” компанийн гэрээний талаар Монголын эрх баригчидтай хэлэлцэнэ гэж Францын дипломат эх сурвалжууд лхагва гарагт мэдээлэв. 

Францын Ерөнхийлөгч Эммануэл Макрон тавдугаар сард Японд болсон “Долоогийн бүлэг”-ийн дээд хэмжээний уулзалтад оролцсоныхоо дараа Монголд айлчлах үеэрээ тус улсаас нэн чухал металлуудыг нийлүүлэх замаар Францын эрчим хүчний хараат бус байдлыг бэхжүүлэх чиглэлд хамтран ажиллахаар тохиролцсон гэж мэдэгдсэн юм. 

“Монгол бол нөөц ихтэй, бүх орд газрын нөөцийг нь хараахан тогтоогоогүй, мөн ашиглаагүй байгаа юм” гэж Францын нэгэн дипломат эх сурвалж К.Колоннагийн айлчлалын өмнө сэтгүүлчдэд мэдээлжээ. “Ураны орд газруудыг ашиглах зорилготой нэг томоохон төсөл байгаа нь “Orano” компанийн төсөл юм. Энэхүү төслийг нэг тэрбум гаруй еврогоор үнэлж байгаа бөгөөд их хэмжээний уран олборлох боломжийг нээнэ" гэж тэрбээр хэлжээ. Эх сурвалжийн хэлснээр, төслийн хувьд ихээхэн ахицтай байгаа бөгөөд талууд гэрээг ирэх намар гэхэд байгуулахыг зорьж байгаа аж. 

Канад, Казахстан, Нигери улсуудад уурхайтай уран олборлогч томоохон компани болох “Orano” нь Монголд 25 жил гаруй хайгуулын үйл ажиллагаа явуулж байгаа бөгөөд ашигт малтмал олборлох тусгай зөвшөөрөлтэй байна.  “Orano”-гийн цахим хуудсанд гарсан мэдээллээр, тус компани нь түнш компани болох төрийн өмчит “Мон-Атом”-ын хамт Монголын эрх баригчидтай Зөөвч-Овоо төслийн хөрөнгө оруулалтын гэрээний талаар хэлэлцэж байгаа аж. “Orano” компаниас “Reuters” агентлагт цахим шуудангаар илгээсэн хариу мэдээлэлдээ, хэлэлцэж буй төсөл нь Зөөвч-Овоо гэдгийг батлаад, Монголд анхны ураны орд газрыг ашиглах бүтээн байгуулалтыг хийхийг зорьж байгаагаа мэдэгджээ. Мөн эрүүл мэнд, аюулгүй байдал, байгаль орчин, нийгмийн хариуцлагын өндөр стандартыг мөрдөнө гэдгээ онцолсон байна. 

АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих



Шинэ мэдээ

БУСАН ХОТООС БОГЦОЛЖ ИРСЭН САНАА6 сар 24. 11:19Монгол, Хятадын хэвлэл мэдээллийн хамтарсан сурвалжилга эхэллээ6 сар 12. 17:06Трамп Хятадын ерөнхийлөгчийг АНУ-д айлчлахыг урьжээ6 сар 6. 12:59Монголд нэг сарын дотор 66.360 жуулчин иржээ6 сар 6. 12:57ДЦС-5-ыг барих ААН-тэй 30 жилийн гэрээ байгуулна, барих-ашиглах-шилжүүлэх нөхцөлтэй байна6 сар 6. 12:55Дулаарлыг хоёр хэмээс доош байлгахад "Тэрбум мод" хөтөлбөр хувь нэмэр оруулна6 сар 6. 12:54Д.Тогтохсүрэн: МАН одоо дангаараа засаглана гэвэл энэ данхгар бүтцийг эрс багасгах ёстой6 сар 6. 12:29Ч.Хүрэлбаатар: Шинэ Засгийн газрыг УИХ дотроосоо байгуулах нь зөв6 сар 6. 12:26Украины дайныг хамтдаа зогсоохыг санал болгожээ6 сар 6. 12:21Дүүжин замын тээврийн багана суурь байрлуулах ажил үргэлжилж байна6 сар 6. 12:20“Зуун мод” цэцэрлэгт хүрээлэнг тохижуулж, амралтын чөлөөт бүс болгоно6 сар 6. 12:19Тариалалт тал хувийн гүйцэтгэлтэй байна6 сар 5. 17:27
© 2025 он. Зохиогчийн эрх хуулиар хамгаалагдсан.