УИХ-ын дарга “Нүүрсний хулгайн“ асуудлаарх өмнөх түр хороог татан буулгаж, Х.Нямбаатараар ахлуулсан шинэ ажлын хэсэг байгуулжээ


6-р сарын 19
13 цаг 37 минут

УИХ-ын дарга Г.Занданшатар өнгөрсөн долоо хоногийн баасан гарагт /2023.06.16/ “Нүүрсний хулгайн” асуудлаар дахин ажлын хэсэг байгуулах захирамж гаргажээ. Тодруулбал, “Нүүрсний хулгайн” асуудлыг үр дүнтэй хянан шалгах, ард иргэд, иргэний нийгмийн байгууллагын хүсэлт, шаардлагын хүрээнд олон нийтийг ил тод, бодитой мэдээллээр хангах, нүүрсний худалдан авалт, тээвэрлэлт, гаалийн бүрдүүлэлт, экспорт, холбогдох зөвшөөрөл, хяналтын асуудлаар УИХ-аар хяналтын сонсгол зохион байгуулах бэлтгэл бүхий ажлын хэсгийг байгуулжээ.

Ингэснээр өмнөх түр хороо болох Г.Ганболд гишүүний нэг жилийн турш удирдсан түр хороо татаг буугдаж байгаа юм. Товчхондоо, УИХ-дарга Г.Занданшатар Г.Ганболдоор ахлуулсан түр хороог ажлаа хийж чадсангүй хэмээн дүгнэж байна гэж ойлгож болно. Учир нь хуулийн дагуу зургаан сарын хугацаатай байгууллагдсан түр хороо хугацаагаа нэг удаа 6 сараар сунгуулсан ч эцэст нь нотлох баримтын сонсголоо хийж чадаагүй. Нотлох баримтыг шинжлэн судлах сонсголоо хийх нь байтугай УИХ-д тавих ёстой тайлангаа ч тавьж чадахгүйгээр өнгөрсөн долоо хоногт хуулийн хугацаа нь дууссан.

Тиймээс УИХ-ын дарга “нүүрсний хулгайн” асуудлыг нэг мөр шийдэх, цаашлаад “гал” атгаж чадах сайд, дарга нар болон сөрөг хүчний төлөөллүүдийг багтаасан “Нүүрсний хулгайн” асуудлыг хянан шалгах түр хороог байгуулжээ.

  • Түр хорооны даргаар УИХ-ын гишүүн ХЗДХ-ийн сайд Х.Нямбаатар
  • Хилийн боомтын асуудлын асуудлаарх хянан шалгах түр хорооны дарга Г.Ганболд
  • Төсвийн байнгын хорооны дарга Г.Тэмүүлэн
  • Хуул зүйн байнгын хорооны дарга Б.Энхбаяр
  • УИХ-ын гишүүн С.Ганбаатар
  • УИХ-ын гишүүн Т.Доржханд нарын бүрэлдэхүүнтэй байгуулжээ.

Харин сонирхолтой нь хуулийн хугацаандаа ажлын тайлан, нотлох баримтын сонсголоо ч хийж чадаагүй, үндсэндээ хуулийн хэрэгжилтийг хангаагүй өмнөх түр хорооны дарга Г.Ганболдыг тус түр хороонд багтаасан нь сонирхол татаж байна. Магадгүй тэрбээр, хариуцлагаа ухамсарлаж түр хорооны бүрэлдэхүүнээс өөрийн саналаараа гарах бололтой.

АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих



Шинэ мэдээ

Нийтийн тээврийн 6 чиглэлд түр өөрчлөлт оруулна11 сар 20. 15:52Бельги дэх монголчуудыг жагсаалын бүсээс хол байхыг сэрэмжлүүлэв11 сар 20. 15:51Ерөнхийлөгчийн сонгуульд АН ялахгүй бол авлигачид улам галзуурна11 сар 20. 15:51Дайнтай улс ч төсвөө 33 хувиар нэмээгүй шүү. Сонгууль угтсан төсөв ийм аюултай11 сар 20. 15:49Монгол Улс цахим засаглалын индексээр дэлхийд 42 дугаарт эрэмбэлэгджээ11 сар 20. 15:49Хөвсгөл аймгийн Төмөрбулаг суманд 4.0 магнитудын хүчтэй газар хөдөлжээ11 сар 20. 15:48Авлига, ашиг сонирхлын зөрчлийн гомдол 20 хувиар нэмэгджээ11 сар 20. 15:48БНСУ-ын хуулийн шалгалтыг хуурсан гэх хардлагад өртсөн залуу амиа алджээ11 сар 20. 15:47Нийслэлд хулгайн гэмт хэрэг 30 хувиар буурч, гэмт хэргийн илрүүлэлт 10 хувиар нэмэгджээ11 сар 20. 14:42Гар утсаа зөвхөн "Баталгаат засварын төв"-д засуулаарай11 сар 20. 14:41Шөнийн автобус 22:00-02:00 цагийн хооронд дараах чиглэлүүдэд үйлчилж байна11 сар 19. 14:59Доройтсон газрыг нөхөн сэргээхэд Япон улстай хамтарна11 сар 19. 14:58
© 2026 он. Зохиогчийн эрх хуулиар хамгаалагдсан.