Архиваас 161,000 хүний цалин тэтгэврийн мэдээлэл олдохгүй байгаагаас тэтгэвэр нь нэмэгдэхгүй болсныг өчигдөр ХНХ-ын сайд Х.Булгантуяа мэдээлсэн юм.
УИХ-ын чуулганы өнөөдрийн хуралдааны үеэр 161,000 хүний цалин болон тэтгэврийн материал яагаад алга болсныг Д.Сарангэрэл гишүүн асуув.
Сайд Х.Булгантуяа "Энэ нь 1990-ээд оны дараагаас яригдаж байсан асуудал. Ажилласан жил нь хүрсэн буюу 10-аас дээш ажилласан нь шүүхийн шийдвэрээр нотлогдсон ч цалингийн баримт нь олдохгүй байгаа иргэд бий. Дээр үед сангийн аж ахуй, нэгдэлд ажиллаж байсан зарим иргэний санхүүгийн баримтыг архивт өгөөгүй, шатсан, үрэгдсэн гэх шалтгаантайгаар алга болсон. Тухайн иргэд авч байсан баярын бичиг, хөдөлмөрийн дэвтрээ барьж очоод шүүхээр ажилласан гэдгээ нотлуулсан байдаг.
Цалингийн мэдээлэл нь байхгүй ч эдгээр хүмүүс тэтгэвэр авч байгаа. Харин итгэлцүүрээр үржүүлэх боломжгүй учир тэтгэврийг 10% нэмнэ" хэмээн тайлбарлалаа.
Түүнчлэн тэтгэврийг жил бүр инфляцтай холбогдуулан нэмж байхаар хуульд тусгажээ.
Сэтгэгдэл бичих