Монгол Улс үндэсний сайн дурын хоёрдугаар илтгэлээ илгээнэ


6-р сарын 8
12 цаг 43 минут

Монгол Улс үндэсний сайн дурын хоёрдугаар илтгэлээ НҮБ-д маргааш илгээнэ. Манай улсын тогтвортой хөгжлийн зорилт ямар түвшинд байгааг уг илтгэлээс харах боломжтой юм. 

Тухайлбал, манай улс тогтвортой хөгжлийн 154 зорилтоос 83-д нь өөрчлөлт орсон үзүүлэлттэй байна. 2040 он гэхэд 32 зорилтоо хангах боломжтой бол, 36 зорилтыг эрчимжүүлэх шаардлагатай, 16 зорилтоос тодорхой хэмжээнд ухарч байгаа нь ажиглагджээ. Түүнчлэн, цар тахлын үед буюу 2020 оны үзүүлэлтээр ядуурлыг бууруулах зорилгын хувьд хамгийн сөрөг үнэлгээ авчээ. 

Энэхүү илтгэлийг боловсруулахдаа Монгол, Узбекистан, Тажикистан гурван улсын хамтарсан “Twinning” хөтөлбөрт хамрагдаж, туршлага судлан, зөвлөгөө авсан байна. "Энэ нь Тогтвортой хөгжлийн зорилтыг хангахад үр дүнгээ өгнө. Тогтвортой хөгжлийг орон нутагт хэрхэн нутагшуулах, санхүүжилтийг бүрдүүлэх, дата мэдээллийг нэмэгдүүлэх асуудлыг шийдэхэд чухал ач холбогдолтой " хэмээн ЭЗХЯ-ны Нийгмийн хөгжлийн бодлогын хэлтсийн дарга Б.Мөнгөнсүх тэмдэглэв.  

Тэрбээр мөн “Улс орнууд үндэсний сайн дурын илтгэлээрээ ТХЗ-уудаа танилцуулдаг. Хоёрдугаар илтгэлийн тухайд цар тахлын нөлөө, геополитикийн зөрчил болон орон нутгийн хөгжил манай улсын ТХЗ-д хэрхэн нөлөөлснийг судалж оруулсан байгаа. Өнгөрсөн оны байдлыг харахад Монгол Улсад хэрэгжүүлэх зорилтуудаас эрчимжүүлэх шаардлагатай зүйлс байна. Үндэсний сайн дурын илтгэл боловсруулахдаа ТХЗ-ыг хэрэгжүүлэхэд олон талын оролцоог хангаж, удаа дараа уулзалтууд зохион байгуулан, олон байгууллага, аж ахуйн нэгжийг хамруулсан. Монгол Улсын иргэний нийгмийн байгууллагууд нийлээд хоорондоо сүлжээ байгуулан, ТХЗ-ыг үнэлж дүгнэсэн нь сайн туршлага, жишээ болсон байгаа. Бүх мэдээллээ нэг сүлжээнд оруулж, иргэдэд ойлголт мэдээлэл хүргэх платформ хэрэгтэй байна гэж дүгнэсэн. Илтгэлээ ирэх 7 дугаар сард болох НҮБ-ын дээд хэмжээний уулзалтад танилцуулна” гэлээ. 

Манай улс үндэсний сайн дурын илтгэлээ НҮБ-д 2019 онд танилцуулж байжээ. 

АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих



Шинэ мэдээ

Хятад, Пакистаны харилцааг сэвтүүлэх зорилготой халдлага дахин гарав2 цаг 53 минутын өмнөХятадын “Эм Ди Си Пи” ХХК-д оногдуулсан ялыг хэвээр үлдээв2 цаг 53 минутын өмнөКолумб улс Аргентины дипломатчдыг нутаг буцаана2 цаг 56 минутын өмнөNHL-ийн орлого нэмэгдсэнээр тоглогчдоос суутгасан мөнгийг буцаан олгоно2 цаг 57 минутын өмнөКрымийн хазаарууд гэж байсныг батлах археологийн нотолгоог олжээ2 цаг 57 минутын өмнөХЭҮК-оос өнгөрсөн онд 26 шаардлага, 61 зөвлөмж хүргүүлжээ2 цаг 58 минутын өмнөДотоодын цэрэг өндөр чадвартай хөдөлгөөнт хүчинтэй болно2 цаг 59 минутын өмнөДүүргийн нэгдсэн эмнэлэг, өрхийн эрүүл мэндийн төвүүдэд тулгамдаж буй асуудлуудыг хэлэлцэв3 цагийн өмнөЦЕГ: Баталгаагүй цахим хаягаас хандив тусламж хүсэхэд болгоомжтой байж, залилах гэмт хэргээс сэрэмжилнэ үү3 сар 27. 16:54Байгаль, цаг уурын өөрчлөлтийн сөрөг нөлөөг бууруулах тухай хуулийн төслийг УИХ-д өргөн барина3 сар 27. 16:52Эртний олдворуудаас микропластик олдов3 сар 27. 16:51Үндэсний баялгийн сангийн тухай хуулийн төслийг нэн яаралтай горимоор өргөн мэдүүлнэ3 сар 27. 16:51
© 2024 он. Зохиогчийн эрх хуулиар хамгаалагдсан.