Арменийн ерөнхий сайд тус улс Оросын тэргүүлдэг цэргийн эвслээс гарч болзошгүй тухай ярьжээ


5-р сарын 23
11 цаг 28 минут

Армени улсын ерөнхий сайд Никол Пашинян өчигдөр Ереван хотод сэтгүүлчидтэй уулзахдаа тус улс Оросын тэргүүлдэг Хамтын Аюулгүй Байдлын Гэрээний Байгууллага (ХАБГБ)-аас гарч болзошгүй тухай мэдэгджээ.

Армени улс хөрш Азербайжантай олон жил үргэлжилсэн газар нутгийн маргаанаа шийдвэрлэж чадахгүй байгаа. Сүүлийн жилүүдэд Армени-Азербайжаны хооронд хэд хэдэн удаа зэвсэгт мөргөлдөөн гарсан юм. ХАГБГ-ын гишүүн орнууд харилцан нэг нэгнийхээ газар нутгийн бүрэн бүтэн байдлыг хамгаалахад туслах үүрэгтэй.

Гэвч ОХУ-ын эрх баригчид энэ үүргээ биелүүлж, Азербайжаны түрэмгийллээс хамгаалахад туслахгүй байгааг Арменийн тал шүүмжлэх явдал сүүлийн үед улам нэмэгдсэн юм.

“ХАБГБ-аас Армени улс гарах боломжийг би үгүйсгэхгүй” гэж Пашинян өчигдөр болсон хэвлэлийн хурлын үеэр хэлжээ.

Энэ долоо хоногийн Пүрэв гарагт тэр ОХУ-ын ерөнхийлөгч Владимир Путиний зуучлалаар Москва хотод Азербайжаны ерөнхийлөгч Илхам Алиевтай уулзах юм.

“Бүс нутгийн аюулаас хамгаалах систем үүргээ гүйцэтгэхгүй байгаа тул бид одоо Өрнөдийн түншүүдтэй аюулгүй байдлын асуудлаа ярьж эхлээд байна” гэж Пашинян хэлснээс үзвэл тус улс Москвад найдах аргагүй болж, өөр арга хайж эхэлсэн бололтой.

Зөвлөлт Холбоот Улсыг задарснаас хойш Армени улс нь ОХУ-ын батлан хамгаалах болон эдийн засгийн хамтын ажиллагаанд түшиглэн хөгжих болсон юм.

2020 онд газар нутгийн маргаантай Уулын Карабахын нутагт Армени, Азербайжан улсуудын хооронд зургаан долоо хоногийн турш зэвсэгт мөргөлдөөн үргэлжилж байв.

Уг мөргөлдөөн ОХУ-ын зуучлалаар өндөрлөж, Уулын Карабахт Оросын энхийг сахиулах хүч байрлах болсон юм.

Гэвч энхийг сахиулагчид үүргээ биелүүлэхгүй байгаагаас өнгөрсөн хугацаанд хоёр улсын хил дээр мөргөлдөөн хэд хэдэн удаа гарсан байна

АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих



Шинэ мэдээ

Гадаадад суугаа монголчуудад зөвлөх нь: Хушуу нэмэрлэхээс хуруу нэмэрлэ!6 цаг 36 минутын өмнөДаваа гарагт улсын арслан М.Бадарчид унасан бөхчүүдэд нөхөж цол олгоно6 цаг 42 минутын өмнөП.Сайнзориг УИХ-ын гишүүн Н.Алтанхуягийг мэтгэлцээнд дуудав6 цаг 43 минутын өмнөСонгуулийн сурталчилгааны зардал баялаг бүтээгчдийн орлого болов6 цаг 44 минутын өмнөТөмөр замын гарц, гармуудаар 400 орчим ан амьтан дайрч өнгөрчээ6 цаг 47 минутын өмнөУлаанбаатар-Прага чиглэлд нисэх тасалбарын үнэ 1.3 сая төгрөг байхаар тогтжээ6 цаг 48 минутын өмнөҮндэсний Эвслийн тэргүүн Н.Номтойбаяр ₮3.4 тэрбумаар үнэлэгдэх 16 автомашинтай6 цаг 49 минутын өмнөХятад: "MeToo" хөдөлгөөний тэмцэгч 5 жилийн ял авлаа6 цаг 57 минутын өмнөРичард Бреслин: Төв цэнгэлдэх хүрээлэнг бүрэн шинэчлэх шаардлагатай7 цаг 5 минутын өмнөУлаанбаатарт шинэ орон сууцны дундаж үнэ дөрвөн сая төгрөгт хүрчээ6 сар 13. 17:36НЗД-ын орлогч П.Сайнзориг, О.Номинчимэг нарыг шүүмжлэв6 сар 13. 17:34Маргааш төв талбайд эхлэх “Asia Folk 2024” наадмын нээлтэд Ираны хөгжимчин “Хуучрын аялгуу” бүтээлийг эгшиглүүлнэ6 сар 13. 17:33
© 2024 он. Зохиогчийн эрх хуулиар хамгаалагдсан.