Саяхан Өмнөд Солонгост айлчлахдаа Канадын ерөнхий сайд Жастин Трюдогийн гаргасан үйлдлийг хоёр улсын хэвлэлүүд янз бүрээр мэдээлж байна.
Японы Хирошимад болж буй “Их Долоо” бүлгэмийн дээд чуулга уулзалтыг зорих замдаа Канадын удирдагчид Өмнөд Солонгост айлчилсан юм. Энэ жил хоёр улсын хооронд дипломат харилцаа тогтоосны 60 жилийн ой тохиож байгаа.
Өмнөд Солонгосын үндэсний ассемблейд үг хэлэхээсээ өмнө Трюдо парламентын спикер Ким Жин Пётой уулзсан юм.
Зураг авхуулахаар зэрэгцэж зогсоход тэдний нурууны өндөр 20 см орчим зөрүүтэй харагдаж байжээ.
Эхлээд Ким Жин Пё нуруугаа чацуулахын тулд өлмий дээрээ зогсон хошигносон байна.
Хариуд нь Трюдо эхлээд хөлөө нугалж зогссон бол дараа нь хөлөө дэлгэж зогссон нь танхимд байсан хүмүүсийг инээлгэн хөгжөөжээ.
Сэтгэгдэл бичих