БНСУ-ын дэмжлэгээр 6 дүүрэгт сүрьеэгийн илрүүлэг хийж байна


4-р сарын 28
13 цаг 57 минут

 "Улаанбаатар хотын сүрьеэгийн хавьтлын үзлэг хяналтыг сайжруулах нь" төслийг хэрэгжилтийн талаар санал солилцох уулзалт ХӨСҮТ-д болж, хэрэгжилтийн үр дүн болон бусад асуудлыг хэлэлцлээ.

ХӨСҮТ, БНСУ-ын Үндэсний сүрьеэгийн нийгэмлэгийн дэмжлэгтэй "Улаанбаатар хотын сүрьеэгийн хавьтлын үзлэг хяналтыг сайжруулах нь" төслийг 2015 оноос хамтран хэрэгжүүлж буй. Уг төслийн хүрээнд нийслэлийн иргэдийг сүрьеэгийн шинжилгээнд хамруулах, эмч мэргэжилтнүүдийн чадавхыг сайжруулах сургалт зохион байгуулах, тоног төхөөрөмжөөр хангах зэрэг олон ажлыг үе шаттай хийж ирсэн. 

ХӨСҮТ-ийн захирал Ц.Билэгтсайхан, "2021 онд бүс нутгийн улс орнуудын дунд хийсэн судалгаагаар манай улс сүрьеэ өвчний дарамт өндөртэй 30 орны тоонд орсон. Тиймээс бид идэвхтэй илрүүлэгт онцгой анхаарч хяналт тавин ажиллаж байна. Бид хэдий сүрьеэ өвчний дарамт өндөртэй орны тоонд багтсан ч сүрьеэгээр өвдсөн иргэдийг илрүүлсэн тохиолдолд эмчилгээний амжилтаараа бусад улс орнуудаас илүү байна” хэмээн танилцуулаад "Энэхүү төслийн хамгийн гол зорилго нь бидэнд дутагдаад байсан идэвхтэй илрүүлэг рүү чиглэсэн байсан. Тиймээс төслийн хүрээнд Чингэлтэй, Баянзүрх дүүргийн 50 мянга орчим иргэнийг сүрьеэ өвчний эрт илрүүлэгт хамруулсан. Өмнө нь дээрх хоёр дүүрэгт энэ төсөл хэрэгждэг байсан бол эрсдэл өндөртэй дүүргийн тоог нэмж, зургаан дүүрэгт идэвхтэй илрүүлгийг хийж байна” гэсэн юм.

Өнгөрсөн хоёр жилийн хугацаанд 9000 иргэнийг эрт илрүүлэггт хамруулж тэдгээрээс сүрьеэгийн халдвартай 214 хүнийг олж тогтоон хяналтад авч эмчилгээг эхлүүлсэн байна. Мөн төслийн хүрээнд сүрьеэ өвчний эрт илрүүлгийг нэмэгдүүлэх чиглэлээр дэд бүтцийн буюу тоног төхөөрөмжийн асуудлыг шийдвэрлэхэд зориулан олон эмэнд тэсвэртэй сүрьеэ өвчнийг оношлох молекул биологийн лабораторийг байгуулж, далд сүрьеэг илрүүлэх сүүлийн үеийн шинэ технологийг нэвтрүүлэхээс гадна эмч, мэргэжилтнүүдийг чадавхжуулах, сургахад хамтран ажиллаж байгаа юм. 

ХӨСҮТ, БНСУ-ын Үндэсний сүрьеэгийн нийгэмлэгтэй хамтран олон улсын таван хурлыг зохион байгуулсан бөгөөд энэ жил зургаа дахийг нь хийхээр төлөвлөж байгаа гэдгийг Ц.Билэгтсайхан захирал дуулгалаа.

БНСУ-ын Үндэсний сүрьеэгийн нийгэмлэгийн олон улсын хамтын ажиллагааны төсөл хариуцсан төвийн дарга Хан Жи Ён, “Бид КОИКА байгууллагаас санхүүжилт авч, төслийг хэрэгжүүлдэг учраас тэднийг мэдээллээр маш сайн хангах хэрэгтэй байдаг. ХӨСҮТ энэ тал дээр бидний ажилд дэм болж, мэдээллээ давхардуулалгүй илгээх нь чухал байна. 2022-2023 онд хэрэгжиж буй хоёрдугаар шатны төслийн хэрэгцээ шаардлагыг тодорхойлсон баримт бичгийг тодорхой өгсөн нь төслийг сунгахад чухал үүрэг гүйцэтгэсэн. Үүнээс гадна дүүрэг болон орон нутаг дахь багууд маш сайн ажиллаж байгааг дурдах хэрэгтэй. ХӨСҮТ-өөс сайн чиглүүлж байгаа учраас төсөл амжилттай хэрэгжиж байна гэж дүгнэдэг. Судалгаанаас үзэхэд илрүүлсэн өвчтөнд хийсэн эмчилгээний үр дүн бусад оронтой харьцуулахад өндөр харагдаж байгаа нь сайшаалтай байна” хэмээн төслийг хэрэгжүүлж буй ХӨСҮТ-ийнхөнд талархал илэрхийллээ.

 

АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих



Шинэ мэдээ

Монгол хэл, бичгийн шалгалтын дүн оноог зарлалаа5 сар 9. 19:27БНСУ-ын Чонжү хотоос Хөвсгөлийн Мөрөн сум руу шууд нислэг үйлдэнэ5 сар 9. 19:26Нийслэлийн хэмжээнд дараах найман байршилд мод тарих боломжтой5 сар 9. 19:24ЕБС, их, дээд сургуулийнханд төгсөлтийн баяраараа ногоон бүсэд зорчихгүй байхыг зөвлөв5 сар 9. 19:24Маргааш болох дугуйтай парадын үеэр ХААХ ЗАМУУД5 сар 9. 19:23Улаан талбайд Ялалтын 80 жилийн ойн парад боллоо5 сар 9. 19:20Ирэх долоо хоногт нөөцийн махны өргөтгөсөн худалдаа зохион байгуулах байршлууд5 сар 9. 19:19Ханын материалд 3000, Баянхошуунд 5000 айлын орон сууц барина5 сар 9. 19:17Нийтийн тээврийн дараах 42 чиглэлд өөрчлөлт орно5 сар 9. 19:13Нисэхийн тойргийг олон түвшинт уулзвар болгох ажил үргэлжилж байна5 сар 9. 19:11“Орчин үеийн хүүхдэд тохирсон хүүхдийн хөгжлийн үйлчилгээтэй болно”5 сар 8. 20:01Норовлин суманд гарсан ойн түймрийг унтраахаар ажиллаж байна5 сар 8. 20:00
© 2025 он. Зохиогчийн эрх хуулиар хамгаалагдсан.