СЭЛЭНГЭ: Зөгийчид жилд 130 гаруй тонн бал үйлдвэрлэж байна


4-р сарын 24
13 цаг 40 минут

 Аймгийн зөгийн аж ахуйн хөгжилд зөгийчдийн оролцоог нэмэгдүүлэх, цаашид хэрэгжүүлэх ажлаа тодотгон хэлэлцэж, үр өгөөжөө нэмэгдүүлэх. Мөн тогтвортой хөгжлийг хангах зорилго дор зөгий эрхлэгчид энэ сарын 20-ны өдөр Шаамар суманд чууллаа. 

Зөгийн аж ахуй Шаамар сумаас эхлэлтэй бөгөөд Монгол Улсын хэмжээнд хамгийн олон зөгийчид Сэлэнгэ нутагт хөдөлмөрлөдөг.

1959 онд Шаамарын жимс жимсгэнийн станцад 20 бүл зөгий авчирснаар Сэлэнгэ аймгийн зөгийн аж ахуйн хөгжил эхэлсэн түүхтэй юм. Өнөөдөр тус суманд 200 орчим бүртгэлтэй зөгийчид жилд дунджаар 90 гаруй тн бал хураан авч байгаа аж.

Өнөөдөр Сэлэнгэ аймгийн 14 сумын 310 иргэн, 9 аж ахуйн нэгж 6656 бүл зөгийг үржүүлж, 130 гаруй тн бал үйлдвэрлэж байна.

Дээрх зөвлөгөөний үеэр зөгийчид эвлэлдэн нэгдэж зах зээлээ тэлэх, ашиг орлогоо нэмэгдүүлэх, хөгжиж суралцах асуудлуудыг голлон ярилаа. Зөгийн аж ахуй эрхлэгчдийн зүгээс зөвлөгөөнийг зохион байгуулсан аймаг орон нутгийн удирдлага, мэргэжлийн байгууллагуудад талархлаа илэрхийлж байлаа. 

Аймгийн ХХААГ-ын дарга Б.Мөнхтөр: “Манай аймгийн хувьд зөгий үржүүлэх ажил нэлээд өндөр түвшинд байдаг. Манай зөгийчид улсын нийт зөгийн бүлний 50 хувь, зөгийн балны 50 хувийг дангаараа хангаж байна. Иймээс бид цаашдаа зөгий үйлдвэрлэлийг нэмэгдүүлэх, тогтвортой үйл ажиллагааг нь явуулах, зөгийн балны чанар, борлуулалт дээр илүү анхаарах тал дээр зөвлөлдлөө.

Аймгийн зүгээс зөгийчдийг хоорондоо нэгд, хамтар. Тэгвэл бүгдээрээ төр засагтаа нэгдээд дуу хоолойгоо хүргэж чадна. Ингэснээр өшөө илүү боломжийг хүртэх болно гэдгийг санууллаа. Манайхан бодол саналаа нэгтгэж ажиллах тал дээр санал бодлоо хэлж байна. Ер нь төр засгаас энэ жил зөгийн аж ахуйг их анхаарч байгаа. Тухайлбал бага хүүтэй зээлд оруулсан. Энэ нь үр дүнгээ өгч байна. Бид зөгийгөө малтай адил өвөл тоолдог. Үүгээрээ дүн мэдээ нь гардаг, ийм туслах аж ахуй байгаа” хэмээв.

Тус зөвлөгөөнд аймгийн ХХААГ-ын дарга Б.Мөнхтөр ”Сэлэнгэ аймгийн зөгийн аж ахуйн өнөөгийн байдал”, Улсын мал эмнэлэг ариун цэврийн төв лабораторийн Байгаль орчноос шалтгаалах өвчний оношилгоо тандалтын лабораторийн эрхлэгч Н.Батзориг “Зөгийн эрүүл ахуйн менежмент”, Улсын мал эмнэлэг ариун цэврийн төв лабораторийн зөгий, жижиг амьтан судлаач эмч С.Мөнхбаяр “Зөгийн аж ахуйн арчилгаа маллагаа”, Мал зүйч Ж.Батсайхан “Зөгийн аж ахуйн талаар” тус тус илтгэл мэдээлэл хийв.

АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих



Шинэ мэдээ

Хятад, Пакистаны харилцааг сэвтүүлэх зорилготой халдлага дахин гарав9 цаг 55 минутын өмнөХятадын “Эм Ди Си Пи” ХХК-д оногдуулсан ялыг хэвээр үлдээв9 цаг 56 минутын өмнөКолумб улс Аргентины дипломатчдыг нутаг буцаана9 цаг 58 минутын өмнөNHL-ийн орлого нэмэгдсэнээр тоглогчдоос суутгасан мөнгийг буцаан олгоно9 цаг 59 минутын өмнөКрымийн хазаарууд гэж байсныг батлах археологийн нотолгоог олжээ10 цагийн өмнөХЭҮК-оос өнгөрсөн онд 26 шаардлага, 61 зөвлөмж хүргүүлжээ3 сар 28. 17:47Дотоодын цэрэг өндөр чадвартай хөдөлгөөнт хүчинтэй болно3 сар 28. 17:46Дүүргийн нэгдсэн эмнэлэг, өрхийн эрүүл мэндийн төвүүдэд тулгамдаж буй асуудлуудыг хэлэлцэв3 сар 28. 17:45ЦЕГ: Баталгаагүй цахим хаягаас хандив тусламж хүсэхэд болгоомжтой байж, залилах гэмт хэргээс сэрэмжилнэ үү3 сар 27. 16:54Байгаль, цаг уурын өөрчлөлтийн сөрөг нөлөөг бууруулах тухай хуулийн төслийг УИХ-д өргөн барина3 сар 27. 16:52Эртний олдворуудаас микропластик олдов3 сар 27. 16:51Үндэсний баялгийн сангийн тухай хуулийн төслийг нэн яаралтай горимоор өргөн мэдүүлнэ3 сар 27. 16:51
© 2024 он. Зохиогчийн эрх хуулиар хамгаалагдсан.