BTS хамтлагийн гишүүн Жүнкокын гээсэн малгайг зарахыг завдсан гадаад харилцааны яамны ажилтан асан хүнийг шалгаж эхэлснээ Өмнөд Солонгосын нийслэлийн цагдаагийн газар өчигдөр мэдээлжээ.
Сэжигтэн поп одын малгайг хуучин эд зүйлс зардаг онлайн сүлжээнд 10 сая воноор ($7,562) зарахаар аравдугаар сарын 17-ны өдөр зар байрлуулж байсан гэнэ.
Ингэхдээ уг малгайг паспорт авахаар Сөүл хот дахь гадаад хэргийн яамны байранд ирэхдээ Жүнкок орхиж явсан болохыг тайлбарлажээ.
Гэвч энэхүү мэдээлэл хүмүүсийн анхаарлыг татаж, ширүүн шүүмжлэл өрнөсөн тул сэжигтэн зараа устгаад цагдаагийн газарт сайн дураараа очиж буруугаа хүлээсэн байна.
Хэргийг Сөүл хотын Сочу дүүргийн цагдаагийн хэсэг хариуцан шалгаж эхэлжээ.
Сэжигтэн зарыг нийтлэхээсээ өмнө гадаад хэргийн яамнаас гарсан байсныг мөрдөгчид мэдээлсэн байна.
BTS хамтлагийн менежментийг хариуцдаг агентлаг хураагдсан малгай Жүнкокынх мөн бөгөөд гадаад хэргийн яаманд очихдоо гээсэн нь үнэн болохыг баталжээ.
Эх сурвалж: Yonhap News
Сэтгэгдэл бичих