Эмэгтэйчүүдийн хөгжлийн төв таван жилийн ойгоо угтан шинэ брэнд бүтээжээ


11-р сарын 14
10 цаг 41 минут

Нийслэлийн Сонгинохайрхан дүүргийн Эмэгтэйчүүдийн хөгжлийн төв үүсгэн байгуулагдсанаасаа хойш 1000 гаруй гишүүнтэй болж, 680 орчим иргэнийг гар урлал, эсгий урлал, арьсан урлал зэрэг сургалтад хамруулжээ. Таван жилийн ойгоо угтаж тус төвийн хамт олон “Монт” брэндийг бүтээж, хүүхдийн нумтай улавч, эсгий бойтог, олбог зэрэг бүтээгдэхүүн үйлдвэрлэж эхэлсэн байна. Гэртээ хүүхдээ хардаг ээжүүдэд зориулан 30 гишүүнтэйгээр анх нээгдэж байсан энэ төв өдгөө дэргэдээ хүүхэд харах үйлчилгээтэй болж, Сонгинохайрхан дүүргийн 27-р хороонд шинэ байранд үйл ажиллагаагаа явуулж байгаа юм. Үүний зэрэгцээ тэд сургалтын төрлөө нэмж ноос ноолуурын чиглэлд, мөн сурагчдын хичээлийн хоцрогдол арилгах сургалт ч зохион байгуулахаар  төлөвлөж байна. Нийслэлийн Засаг даргын Эдийн засаг, дэд бүтцийн асуудал хариуцсан нэгдүгээр орлогч Ж.Сандагсүрэн өнөөдөр тус төвийн үйл ажиллагаатай танилцлаа. Таван жилийн өмнө тэрбээр тус төвийг санаачлан байгуулж байсан юм.

Нийслэлийн Засаг даргын Эдийн засаг, дэд бүтцийн асуудал хариуцсан нэгдүгээр орлогч Ж.Сандагсүрэн “Гар урлал сонирхсон хэн бүхэнд энэ төвийн үүд хаалга нээлттэй. Үйлдвэрлэл эрхлэгчид маань төвтэйгөө тууштай хамтран ажилласнаар ажлын захиалга нь тогтмолжиж, орлогын эх үүсвэрээ баталгаажуулж чадна. Бид Нийслэлийн Жижиг, дунд үйлдвэр, үйлчилгээг дэмжих төвтэй хамтран иргэдэд сургалт явуулдаг. Энэ төвөөс тус сургалтад хамрагдсан хүмүүс ч бий. Төгсөгчдөө дэмжин ажиллахад хэзээд бэлэн” гэсэн юм.

Эмэгтэйчүүдийн хөгжлийн төвийн дарга, монгол гутлыг 25 дахь жилдээ үйлдвэрлэж буй үндэсний үйлдвэр эрхлэгч М.Сувд-Эрдэнэ “Өнгөрсөн таван жилийн хугацаанд үйл ажиллагаа маань өргөжиж ноос ноолуурын чиглэл рүү орж байна. Эдийн засгийн хямралаас үүдэлтэй хүмүүс шинэ хувцас худалдан авахаас илүү хуучин хувцсаа сэргээн засварлаж, загвар дизайныг нь өөрчилж өмсөх сонирхолтой болсон. Тиймээс бид ноос ноолуур сүлжих, угаах, загварыг нь өөрчлөх үйлчилгээг нэвтрүүлж эхэлсэн” гэлээ.

Эмэгтэйчүүдийн хөгжлийн төв МҮХАҮТ-тай хамтран ажиллаж төвийнхөө багш нарыг “Ахмад зөвлөх багш” болгосон бөгөөд Нийслэлийн Засаг даргын нэгдүгээр орлогч Ж.Сандагсүрэн тэдэнд үнэмлэхийг нь гардуулан өгсөн юм. Ц.Удвалцэцэг таван жилийн өмнө сургалтад сууж эхэлсэн бол өнөөдөр өөрөө багш болж бусдад мэдлэгээ хуваалцаж байгаадаа баяртай байгаагаа илэрхийлж байв.

НИЙСЛЭЛИЙН СУРГАЛТ, СУДАЛГАА, ОЛОН НИЙТТЭЙ ХАРИЛЦАХ ГАЗАР

АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих



Шинэ мэдээ

БНСУ-аас Монголд суух шинэ элчин сайдаар Чой Жин Воныг томилжээ2 цаг 53 минутын өмнөЦУОШГ: IV сарын эхээр нутгийн хойд хэсгээр бороотой, өмнөд хэсгээр цасан шуургатай2 цаг 54 минутын өмнөТӨВ: “Шар усны үерийн хариу арга хэмжээ” команд штабын сургууль эхэллээ2 цаг 55 минутын өмнөЛ.Оюун-Эрдэнэ: Ерөнхийлөгч Ц.Элбэгдорж тамгаа Х.Баттулгад гардуулахдаа "С.Зоригийн хэргийг л битгий сөхөөрэй" гэсэн гэдэг2 цаг 55 минутын өмнөХ.Булгантуяа: Цалинтай ээжийн 50 мянгыг нэмэх санал хүргүүлсэн2 цаг 57 минутын өмнөЧингэлтэй дүүрэгт байрлах "Эрэгтэйчүүдэд зөвлөгөө, мэдээлэл, өгөх жишиг төв"-өөс 85 хүн сэтгэл зүйн үйлчилгээ авчээ2 цаг 58 минутын өмнөС.Чинзориг: Сүүлийн дөрвөн жилд эрүүл мэндийн салбарт 833.7 тэрбум төгрөгийн хөрөнгө оруулалт хийсэн2 цаг 58 минутын өмнөО.Цогтгэрэл: Монгол Улсын гол асуудал иргэд нь ядуурч төр нь 5 дахин томорч байна3 цагийн өмнөСолонгосчууд Монголд, Монголчууд Солонгост болон Зүүн Азийн 10 улсад өөрсдийн төлбөрийн аппликэйшнээр тооцоо хийдэг боллоо3 цаг 1 минутын өмнөОрон нутагт 300 мянган орон сууц барина3 цаг 2 минутын өмнөХятад, Пакистаны харилцааг сэвтүүлэх зорилготой халдлага дахин гарав3 сар 28. 17:52Хятадын “Эм Ди Си Пи” ХХК-д оногдуулсан ялыг хэвээр үлдээв3 сар 28. 17:52
© 2024 он. Зохиогчийн эрх хуулиар хамгаалагдсан.