Хотын төвлөрлийг бууруулахад чухал нөлөө үзүүлэх “Хайрхан нэгдсэн худалдааны төв”-ийн шав тавилаа


10-р сарын 7
17 цаг 50 минут

Улаанбаатар хотын автомашины түгжрэл, зах, худалдааны төвүүдийн төвлөрлийг сааруулахад чухал нөлөө үзүүлэх “Хайрхан нэгдсэн худалдааны төв”-ийг “Нью Фоос”, “Амэ Интернэшнл ХХК хамтран Сонгинохайрхан дүүргийн 32 дугаар хороонд өөрийн 28 га талбайд хэрэгжүүлэхээр болсон. Тус бүтээн байгуулалтыг нийслэлээс бодлогын түвшинд дэмжин ажиллах бөгөөд хөрөнгө оруулалтыг аж ахуйн нэгжүүд гаргаж буй юм. Тэгвэл тус худалдааны төвийн шав тавих ёслол өнөөдөр боллоо.

Энэ үеэр Нийслэлийн Засаг дарга бөгөөд Улаанбаатар хотын Захирагч Д.Сумъяабазар:

-Сонгинохайрхан уулын бэлд олон улсын түншлэлийн хүрээнд хувийн хэвшлийн оролцоотойгоор “Хайрхан нэгдсэн худалдааны төв” олон улсын стандартад нийцсэн зах, худалдааны төвийг барих бүтээн байгуулалтын ажлыг эхлүүлж буй хувийн хэвшлийн удирдлагууд, үндэсний компаниудад талархал илэрхийлье. Судалгаанаас үзэхэд зах, худалдааны төвийн чиглэлд түгжрэл, бөөгнөрөл их хэмжээгээр үүсдэг. Хөдөө орон нутгаас ирж байгаа иргэд “Нарантуул” олон улсын худалдааны төв, “Өгөөмөр” болон “Дүнжингарав” захуудаар үйлчлүүлж, ачаалал эрс нэмэгддэг. Зах худалдааны төвүүдийг үе шаттайгаар хотын төвөөс гаргах ажил эхэлж байна гэж ойлгох хэрэгтэй. Хотын төвд хүүхэд, залуучуудын чөлөөт цагаа зөв боловсон өнгөрүүлэх эрүүл, аюулгүй орчныг бүрдүүлэх ёстой. Мөн шинэ нисэх онгоцны буудлыг түшиглэсэн дагуул хотын бүтээн байгуулалтад олон улсын стандартад нийцсэн зах, худалдааны төвүүд, тээвэр ложистикийн төвүүдийг байгуулах үүргийг Ерөнхий сайд өгсөн. Энэ тал дээр Хотын даргын зүгээс Монгол Улсын сайд, Нийслэл Улаанбаатар хотын авто замын түгжрэлийг бууруулах үндэсний хорооны дарга Ж.Сүхбаатартай уялдаа холбоо хангаж ажиллах, Улаанбаатар хотын хөгжлийн бодлого эрхэлсэн түр хорооны гишүүдтэй хамтарч ажиллаж байна. Дагуул хотыг олон улсын стандартад нийцсэн, төвлөрлийг сааруулж, түгжрэлийг бууруулах томоохон ахиц гаргах шийдэл гэж харж байна хэмээн өгүүллээ.

“Нью фоос” ХХК-ийн гүйцэтгэх захирал Б.Эрдэнэбаатар “Тус худалдааны төвийг 2023 оны дөрөвдүгээр улиралд ашиглалтад оруулах төлөвлөгөөтэй ажиллаж байна. Ирэх хавраас барилга байгууламжийн бүтээн байгуулалт эхэлнэ. Худалдааны төвд өргөн хэрэглээний болон гэр ахуйн худалдааны төв А, Б блокт байрлана. Барилгын материал, авто сэлбэг, том хэмжээний агуулах худалдааны төлөвлөлтийг мөн хийсэн. Түүнчлэн 620 ажлын байр шинээр бий болох давуу талтай. Худалдааны төв ашиглалтад орсноор баруун болон урд зүгийн 16 аймаг, 256 сумын иргэд үйлчлүүлнэ гэж тооцож байгаа. Ингэснээр түгжрэл бууруулах, төвлөрлийг сааруулахад сайн нөлөө үзүүлэх юм. Нийт 28 орчим тэрбум төгрөгийн хөрөнгө оруулалт шаардлагатай байгаа” гэлээ.

Улаанбаатар хотод автомашины сэлбэг худалдаа, засвар үйлчилгээний “Да хүрээ”, “Өгөөмөр”, барилгын материалын “Зуун айл”, өргөн хэрэглээний барааны “Нарантуул” олон улсын худалдааны төв, “Дүнжингарав” төвүүд нь хотын зүүн хэсэгт төвлөрсөн байдаг. Тус худалдааны төвүүдэд нийслэлийн иргэдээс гадна баруун 16 аймаг, 260 сумын иргэд ирж үйлчлүүлж, ачаалал үүсгэдэг байна. “Хайрхан нэгдсэн худалдааны төв” ашиглалтад орсноор тус зах, худалдааны төвүүдийн ачаалал буурч, орчмын авто замын түгжрэлд өндөр нөлөө үзүүлэх боломжтой нь судалгаагаар тогтоогджээ.

НИЙСЛЭЛИЙН СУРГАЛТ, СУДАЛГАА, ОЛОН НИЙТТЭЙ ХАРИЛЦАХ ГАЗАР

АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.



Шинэ мэдээ

Монголын Ардчилсан Холбоо Ардчилсан хувьсгалын 34 жилийн ойг тохиолдуулан мэдэгдэл гаргалаа5 цаг 29 минутын өмнөНохой, муурыг хүүхдийн тоглоомын болон цэцэрлэгийн талбайд салхилуулахгүй8 цаг 38 минутын өмнөБНСУ-д суралцдаг оюутнуудад зориулсан тэтгэлгийн сан байгуулах санал тавив8 цаг 40 минутын өмнөСонгуульд горилогчид ажлаа өгч эхэлжээ8 цаг 41 минутын өмнөШТС-ууд шатахуун хязгаарлалттай олгож байна8 цаг 42 минутын өмнө“Хархорум” олон улсын анхдугаар кино наадам нээлтээ хийлээ8 цаг 43 минутын өмнөӨмнөговь аймагт гадаадын хуулийн этгээдэд газар эзэмшүүлсэнтэй холбоотойгоор 11 хүнийг яллагдагчаар татжээ8 цаг 46 минутын өмнөХАА-н бүтээгдэхүүнийг “Нэг цэг”-ээр борлуулах талаар хэлэлцлээ8 цаг 47 минутын өмнөIDU: Монголын ардчиллыг төгөлдөржүүлэх тогтоолыг батлав8 цаг 55 минутын өмнөКембрижийн их сургууль Чингис хааны өвийг судална8 цаг 57 минутын өмнөОРЧНЫ БОХИРДЛЫГ БУУРУУЛАХ ДЭД АЖЛЫН ХЭСГҮҮДИЙГ БОГИНО, ДУНД, УРТ ХУГАЦААНД ХЭРЭГЖҮҮЛЭХ АЖЛЫН САНАЛАА ЭЦЭСЛЭН ГАРГАХЫГ ҮҮРЭГ БОЛГОЛОО8 цаг 59 минутын өмнөЧ.Уртнасан: Энэ долоо хоногоос томуугийн вирусний идэвхжил нэмэгдэж байна12 сар 7. 15:00
© 2023 он. Зохиогчийн эрх хуулиар хамгаалагдсан.